Şimali Koreya Ukraynada müharibədə həlak olan əsgərlər üçün təşkil edilən mərasimdə, lider Kim Çen Inın əllərini müharibədə həlak olan əsgərlərin tabutları üzərinə qoyaraq, ehtiramını bildirməsi ilə ilk dəfə olaraq itkilərini ictimaiyyətə nümayiş etdirib.
Gununsesi.info xarici mediaya istinadən xəbər verir ki, Şimali Koreya lideri Kim Çen In Rusiyanın Ukrayna ilə davam edən müharibəsində həyatını itirən Şimali Koreya əsgərlərinin tabutlarının üzərinə əllərini qoyaraq, rejimin Şimali Koreya ordusunun münaqişədə itki verdiyini etiraf etdiyi nadir hallardan birini qeyd edib.
Şimali Koreya və Rusiya sənətçiləri keçən il imzalanan hərbi müqavilənin birinci ildönümünü qeyd etmək üçün təşkil edilən möhtəşəm şouda birlikdə çıxış ediblər.
Şou zamanı ekranlarda Kimin ölkə bayrağına bürünmüş təxminən altı tabutun qarşısında dayandığı fotolar da nümayiş etdirilib.
Şimali Koreya əsgərlərinin dəfn mərasimləri hər iki ölkənin əsgərlərinin bayraqları dalğalandırdığı anlarla tamamlanıb.
Onlar həmçinin Rusiyanın Kursk vilayətindəki döyüş meydanından götürüldüyü iddia edilən qanlı dəftərin səhifələrini göstəriblər. Dəftərdə “Nəhayət kritik an gəldi” və “Sevimli Ali Baş Komandanımızın bizə bəxş etdiyi əbədi sevgi və inamla bu müqəddəs döyüşü mərdliklə davam etdirək” kimi ifadələr yer almışdı.
Orxan
