İran nüvə proqramı üzrə razılığa gəlmək üçün gecikmədən Qərblə konstruktiv danışıqları bərpa etməyə hazırdır.
Gununsesi.info xəbər verir ki, bu barədə İranın xarici işlər naziri Abbas Əraqçi Çin Mərkəzi Televiziyasına verdiyi müsahibəsində deyib.
“Biz gecikmədən nüvə proqramımızla bağlı konstruktiv danışıqlara getməyə hazırıq. Razılığa nail olmaq üçün danışıqlar aparılır”– deyə Əraqçi bildirib.
Nazirin sözlərinə görə, Tehran əvvəlki formula ilə eyni şəkildə danışıqlara hazırdır –“Birgə Hərtərəfli Fəaliyyət Planı” (SVPD), yəni sanksiyaların qaldırılması müqabilində İranın nüvə proqramına inam yaratmaq.
Nazir vurğulayıb ki, İran nüvə sazişinin üzərinə düşən hissəni yerinə yetirib, lakin heç bir səbəb və əsas olmadan ondan çıxmaq qərarına gələn ABŞ olub.
Arakçi bildirib ki, üç Avropa ölkəsi (Böyük Britaniya, Fransa, Almaniya) ilə danışıqların birinci raundu artıq keçib, növbəti iki həftə ərzində ikinci raundun keçirilməsi barədə razılıq əldə olunub.
ABŞ-a gəlincə, o bildirib ki, yeni hökumət öz siyasətini formalaşdırmalıdır və İran “buna əsaslanaraq qərar verəcək”.
Əraqçi sonda onu da qeyd edib ki, Çin və Rusiya keçmişdə iki effektiv müzakirəçi olublar və İranın nöqteyi-nəzərindən onlar bu danışıqlarda konstruktiv rol oynamağa davam etməlidirlər.
Şəbnəm
