ABŞ və Danimarka arasında Qrenlandiya ilə bağlı gərginlik artmaqda davam edir. ABŞ prezidenti Donald Trampın ada ilə bağlı verdiyi vədlər gündəmdə qalarkən, iki ölkə ilk dəfə yüksək səviyyəli təmasda olacaq.
Gununsesi.info xarici mediaya istinadən xəbər verir ki, ABŞ və Danimarka ABŞ prezidenti Donald Trampın yenidən seçilməsindən və Danimarkanın Qrenlandiya adasına “nəzarəti ələ keçirməyə” söz verdikdən sonra ilk dəfə yüksək səviyyəli təmasda olacaqlar.
Financial Times-ın məlumatına görə, Danimarkanın xarici işlər naziri Lars Lokke Rasmussen bu həftə ABŞ dövlət katibi Marko Rubio ilə görüşə hazırlaşır.
Lars Lokke Rasmussen və Marko Rubio cümə axşamı Brüsseldə başlayacaq NATO Xarici İşlər Nazirləri Toplantısı çərçivəsində görüşməyi planlaşdırırlar.
Rəsmilər görüşün Kopenhagen və Vaşinqton arasında gərgin münasibətlərə görə ləğv edilə biləcəyini vurğulayır.
Trampın vitse-prezidenti JD Vance adaya səfəri zamanı “Bizdə Qrenlandiya olmalıdır” deyərək, ABŞ-ın nəhəng, minerallarla zəngin ada üzərində nəzarətinin qlobal təhlükəsizlik üçün vacib olduğunu irəli sürdü.
Vance həmçinin Danimarkanın qonşuluğunda artan Rusiya və Çin təhdidlərinə qarşı özünü müdafiə edə bilməyəcəyi ilə bağlı arqumentlərini təkrarladı.
Dövlət katibi Rasmussen bu həftə sonu Tramp administrasiyasının şərhlərinə açıq şəkildə cavab verib. “Əlbəttə, biz tənqidə açığıq. Amma tam səmimi deyim: Biz bu tənqidlərin hansı tonla çatdırıldığını qiymətləndirmirik… siz yaxın müttəfiqlərinizlə belə danışmamalısınız”, – Rasmussen bildirib.
Orxan
