မတ်-၂၇၊၂၀၂၆၊ရှိန်း/ People’s Spring
မန္တလေးတိုငိး၊ တောင်သာမြို့နယ်မှာ စစ်တပ်က စစ်ကြောင်းထိုးပြီး ကျေးရွာတွေ ဆက်တိုက်မီးရှို့ နေကာ မနေ့က သဲတောကျေးရွာကို ထပ်မံမီးရှို့ခဲ့တယ်လို့ ဒေသခံတွေက ပြောပါတယ်။
” မီးရှို့နေတဲ့ စစ်ကြောင်းကပဲ သဲတောရွာကိုထပ်ဝင်ရှို့တယ်။အိမ်ခြေ ဘယ်လောက်ပါသွားလဲ တော့ မသိရသေးဘူး။စစ်ကြောင်းကသဲတော ပတ်ဝန်းကျင်မှာပဲရှိ သေးတယ်” လို့ ဒေသခံတစ်ဦးက ပြောပါတယ်။
အဲဒီစစ်ကြောင်းဟာ တောင်သာမြို့ ပေါ်ကနေ မတ်လ၂၀ ရက်မှာ ညောင်တို၊ကန်ပေါက်ကျွန်းကျေးရွာတွေကို စစ်ကြောင်းထိုးခဲ့တာလို့ သိရပါတယ်။မတ်လ၂၃ရက်မှာ အဲဒီစစ်ကြောင်းဟာ မင်းတည်းကျေးရွာကို ရောက်ရှိခဲ့ပြီး မင်းတည်းကျေးရွာကို မီးရှို့ဖျက်ဆီးခဲ့တဲ့ စစ်ကြောင်းဖြစ်တယ်လို့သိရပါတယ်။
Public Service Announcement
မင်းတည်းကျေးရွာကို နှစ်ရက်ဆက် ရွာလုံးကျွတ်မီးရှို့ပြီးတဲ့နောက် မတ်လ၂၆ရက် မနေ့က သဲတောကျေးရွာကို ထပ်မံမီးရှို့ခဲ့တာလို့ သိရပါတယ်။
တိုက်ပွဲဖြစ်ပွားခြင်းမရှိဘဲ တောင်သာမြို့ပေါ်နေ ဖောကား၂စီး၊ခြေလျင်စစ်ကြောင်းတစ်ကြောင်းနဲ့ စုစုပေါင်း အင်အား၁၅၀ ခန့်နဲ့ စစ်ကြောင်းထိုးမီးရှို့ဖျက်ဆီး နေတာလို့ သိရပါတယ်။
