ဖေဖော်ဝါရီ-၁၊ ၂၀၂၆။မေရီ/People’s Spring
မန္တလေးမြို့မှာ အိမ်အငှားနဲ့ လုပ်ငန်းလိုင်စင် လျှောက်သူတွေ စည်ပင်ရဲ့ထပ်တိုးစည်းကမ်းချက်အသစ်တွေကြောင့် အခက်တွေ့နေကြောင်း မြို့ခံတွေက ပြောပါတယ်။
မန္တလေးမြို့စည်ပင်သာယာရေးရုံးမှာ အိမ်အငှားနဲ့ လုပ်ငန်းလိုင်စင်လျှောက်မယ်ဆိုရင် ၎င်းတို့ငှားရမ်းထားတဲ့ အိမ်ရှင်က အိမ်ငှါးပိုင်ခွင့် လိုင်စင်ရှိမှသာ လုပ်ငန်းလိုင်စင်ချထားပေးကြောင်း မြို့ခံတွေက ပြောပါတယ်။
” တချို့အိမ်ရှင်တွေက အိမ်ငှားလိုင်စင်မလုပ်ထားကြဘူး။ သူတို့အိမ်ငှားလိုင်စင်မရှိတာနဲ့ ငှားနေတဲ့သူ လုပ်ငန်းလိုင်စင်လုပ်မပေးတော့တာ မဖြစ်သင့်ဘူးလေ” လို့ အိမ်အငှားနဲ့ လုပ်ငန်းလုပ်ကိုင်နေတဲ့ အသေးစားလုပ်ငန်းရှင်တစ်ဦးက ပြောပါတယ်။
Public Service Announcement
ယခင်က လုပ်ငန်းလိုင်စင်လျှောက်ရာမှာ မြို့နယ်မီးသတ်ထောက်ခံချက်၊ ရပ်ကွက်ထောက်ခံချက်၊ ဘေးပတ်ဝန်းကျင် ထောက်ခံချက်တွေပါရင် လိုင်စင်ချထားပေးပြီး ယခုအခါ အိမ်ရှင်ရဲ့ အငှားလိုင်စင်ပါမှဆိုတဲ့ သက်မှတ်ချက် ထပ်တိုးလိုက်တာဖြစ်ကြောင်း သိရပါတယ်။
ဒါ့အပြင် မန္တလေးစည်ပင်ရုံးအတွင်းမှာလည်း စစ်ကောင်စီလက်အောက်ခံ ဝန်ထမ်းတွေက လုပ်ငန်း လိုင်စင်နဲ့ အခြားစည်ပင်လုပ်ငန်းတွေ လာလုပ်တဲ့သူတွေကို အကြောင်းအမျိုးမျိုးပြပြီး ငွေညှစ်နေတယ်လို့ သွားရောက်ဖူးသူတွေက ပြောပါတယ်။
မန္တလေးမြို့တော်စည်ပင်အပါအဝင် စည်ပင်ဌာနအသီးသီးဟာ စစ်ကောင်စီအတွက် ဝင်ငွေအများအပြားကို ရှာဖွေပေးနေတဲ့ ဌာနတစ်ခုဖြစ်ပါတယ်။
