ဒီဇင်ဘာ-၃၀၊၂၀၂၅။ သုည/People’s Spring
စစ်ကိုင်းတိုင်းအတွင်းက သပိတ်အဖွဲ့တွေ၊ ဒေသခံပြည်သူတွေဟာ စစ်ကောင်စီရဲ့ ရွေးကောက်ပွဲကို ဆန့်ကျင်ကန့်ကွက်ကြောင်း ဆန္ဒပြသပိတ်လှုပ်ရှားမှုတွေ ဒီကနေ့ (ဒီဇင်ဘာ ၃၀) မှာလည်း ဆက်လက်ပြုလုပ်ခဲ့ပါတယ်။
ဓတ်ပုံ – ရွာပေါင်းစုံသပိတ်၊ ဒေါင်းရာဇာပင်မသပိတ်စစ်ကြောင်း၊ GSCB 
ဓတ်ပုံ – ရွာပေါင်းစုံသပိတ်၊ ဒေါင်းရာဇာပင်မသပိတ်စစ်ကြောင်း၊ GSCB 
ဓတ်ပုံ – ရွာပေါင်းစုံသပိတ်၊ ဒေါင်းရာဇာပင်မသပိတ်စစ်ကြောင်း၊ GSCB 
ဓတ်ပုံ – ရွာပေါင်းစုံသပိတ်၊ ဒေါင်းရာဇာပင်မသပိတ်စစ်ကြောင်း၊ GSCB 
ဓတ်ပုံ – ရွာပေါင်းစုံသပိတ်၊ ဒေါင်းရာဇာပင်မသပိတ်စစ်ကြောင်း၊ GSCB
စစ်ကိုင်းတိုင်း ယင်းမာပင်မြို့နယ်မှာ အောင်လံလွှင့်မည် ဒေါင်းသွေးနီ သပိတ်စစ်ကြောင်းဟာ “ သင့်မဲဖြင့်တရားဝင် လူသတ်ခွင့် မပေးနဲ့” စာသားကိုင်ဆောင်ကာ စစ်အာဏာရှင်စနစ်နဲ့ စစ်ကောင်စီရဲ့ရွေးကောက်ပွဲကို ဆန့်ကျင်ကြောင်း ဆန္ဒထုတ်ဖော်ခဲ့ပါတယ်။
ယင်းမာပင်မြို့နယ်မြောက်ခြမ်းမှာလည်း အောင်လံလွှင့်မည် ရွှေရေကြည်သပိတ်၊ နောက်ပြန်မလှည့်ကြေးဒီတော်လှန်ရေးသပိတ်တို့မှ စစ်ကောင်စီရဲ့ရွေးကောက်ပွဲကို ဆန့်ကျင်တဲ့အနေနဲ့ “ သင့်မဲဖြင့် တရားဝင် လူသတ်ခွင့်မပေးနဲ့” ၊ “ ဖက်ဆစ်ရွေးကောက် ခွေးထွက်ပေါက် မဲမပေးနဲ့သပိတ်မှောက်” စာသားတို့ ကိုင်ဆောင်ကာ ဆန္ဒပြခဲ့ပါတယ်။
Public Service Announcement
ဘုတလင်မြို့နယ်မှာလည်း ဒေါင်းရာဇာပင်မသပိတ်စစ်ကြောင်းမှ “ ဖက်ဆစ်ရွေးကောက်ခွေးထွက်ပေါက်မဲမပေးနဲ့သပိတ်မှောက်” ၊ “ သင့်မဲဖြင့်တရားဝင်လူသတ်ခွင့်မပေးနဲ့ ” ဟူသောစာသားတွေ ကိုင်ဆောင်ပြီး စစ်ကောင်စီ ကျင်းပမယ့် ရွေးကောက်ပွဲကို ဆန့်ကျင်ကြောင်း ချီတက်ဆန္ဒပြခဲ့ပါတယ်။
စစ်ကိုင်းတိုင်းအတွင်းက ဒေသခံတော်လှန်ပြည်သူတွေဟာ နယ်မြေမငြိမ်သက်မှုကြားထဲကနေပဲ စစ်အာဏာရှင်ကျဆုံးရေးနဲ့ စစ်တပ်ရွေးကောက်ပွဲဆန့်ကျင်ရေး ဆန္ဒပြသပိတ်ကို နေ့စဉ်ပြုလုပ်နေကြပါတယ်။
