အောက်တိုဘာ-၁၈၊ ၂၀၂၅။ ရှိန်း/People’s Spring
မန္တလေး-မုံရွာလမ်းပိုင်းက PDFအခွန်ကောက်ဂိတ်တွေကို ခရိုင်ပကဖကနေ ပိတ်သိမ်းဖို့ ညွှန်ကြားထားတယ်လို့ သိရပါတယ်။
အောက်တိုဘာ ၂၀ ရက်မှာ နောက်ဆုံးထားပိတ်သိမ်းဖို့ ညွှန်ကြားထားတာလို့ သိရပါတယ်။
ပြည်ထောင်စုအတွက်လိုအပ်တဲ့ အခွန်ဂိတ်တခု၊နှစ်ခုကလွဲရင် ကျန်တာ အကုန်ပိတ်ဖို့ ညွှန်ကြားတာလို့ မုံရွာမြို့နယ်ပကဖအဖွဲ့က ပြောပါတယ်။
Public Service Announcement
ညွှန်ကြားချက်ထွက်တာ နှစ်လနီးပါးရှိနေပြီဖြစ်ပြီး မုံရွာမြိုနယ်မှာတော့ညွှန်ကြားချက်အတိုင်း အခွန်ဂိတ်တွေ အမှန်တကယ် ပိတ်ထားတယ်လို့ဆိုပါတယ်။
“ မုံရွာမြို့နယ်အနေနဲ့ကတော့ ကျွန်တော်တို့လိုက်နာပြီး ပိတ်ထားတာရှိပါတယ်။ အဲ့လိုဂိတ် တွေမရှိတော့ပါဘူး မုံရွာမြို့နယ်အတွင်းမှာ” လို့ မုံရွာမြို့နယ်ပကဖ တာဝန်ရှိသူတစ်ဦးက ပြောပါတယ်။
မုံရွာ- မန္တလေးလမ်းပိုင်းမှာ PDF ဂိတ်အများအပြားနဲ့ စစ်တပ်ဂိတ်၊ ပျူစောထီးဂိတ်တွေအများအပြားရှိပြီး တဂိတ်နဲ့ တဂိတ်နီး ကပ်လွန်းတာကြောင့် ပြည်သူတွေကြားမှာလည်း ဝေဖန်မှုတွေ ရှိခဲ့ပါတယ်။
ဒီလိုဂိတ်ပိတ်သိမ်းခိုင်းတာတွေဟာ PDFစိုးမိုး ဒေသတွေမှာ ခရိုင်အလိုက် ညွှန်ကြားချက်တွေထွက်ထားပြီး မလိုက်နာတဲ့ မြို့နယ်တွေလည်း ရှိတယ်လို့ စစ်ကိုင်းတိုင်းအတွင်းက မြို့နယ်ပကဖ တာဝန်ခံတစ်ဦးကလည်း ပြောပါတယ်။
