အောက်တိုဘာ-၈၊ ၂၀၂၅။ ထားမြတ်/People’s Spring
အာဏာသိမ်းစစ်ကောင်စီရဲ့ ခလရ(၁၀၁)တပ်ရင်းက တပ်ဖွဲဝင်တပ်သား တစ်ဦးကရင်အမျိုးသားလွတ်မြောက်ရေးတပ်မတော် (KNLA) တပ်မဟာ(၄)၊ K.N.D.Oတပ်ရင်း(၇)ထံ အလင်းဝင် ခိုလှုံလာတယ်လို့ ကရင်အမျိုးသားအစည်းအရုံး(KNU) မြိတ်ထားဝယ်ခရိုင်က ထုတ်ပြန်ပါတယ်။
အဲဒီ အလင်းဝင်လာတဲ့ တပ်သားဟာ စစ်ကောင်စီတပ် အဓမ္မ စစ်သားစုဆောင်းခဲ့တဲ့ စစ်မှုထမ်းတပ်သားသစ်ဖြစ်ပြီး အောက်တိုဘာ ၆ရက်က ပုလောမြို့နယ်(လယ်မူလားမြို့နယ်)အတွင်းမှာ အလင်းဝင်လာတာလို့ ဆိုပါတယ်။
အလင်းဝင်လာတဲ့ တပ်သားနဲ့အတူ MA1 (၁)လက်၊ ကျည်အပါဝင် ကျည်ဘောက်(၄)ခု ပါလာတယ်လို့ ဆိုပါတယ်။
Public Service Announcement
KNU မြိတ်-ထားဝယ်ခရိုင် အတွင်း စစ်ရေးလှုပ်ရှားနေတဲ့ စစ်ကောင်စီတပ်တွေထဲက စစ်မှုထမ်း တပ်သားသစ်တွေဟာ KNLA တပ်မဟာ(၄)ရဲ့ လက်အောက်ခံတပ်တွေဆီကို တဦးချင်းဖြစ်စေ၊ အဖွဲ့လိုက်ဖြစ်စေ အလင်းဝင်ရောက်မှု မကြခဏရှိနေပြီး အချို့ကလက်နက်ပါသလို အချို့ကလက်နက်မပါဘဲ အလင်းဝင်လာကြတာဖြစ်ပါတယ်။
အကြောင်းအမျိုးမျိုးကြောင့် မတရားစစ်မှုထမ်း ခိုင်းစေခံရတဲ့ အာဏာ သိမ်းစစ်ကောင်စီတပ်ထဲက တပ်သားတွေ အနေနဲ့ နီးစပ်ရာ တော်လှန်ရေးတပ်တွေဆီ ရရာနည်းနဲ့လက်နက်ချ အလင်းဝင် ပူးပေါင်းကြဖို့လည်း KNU က တိုက်တွန်းထားပါတယ်။
