မတ်-၂၉ ရက်၊ ၂၀၂၅။ ကျော်ဇော/People’s Spring
ပြည်သူလူထု၏ အသက်အိုးအိမ်စည်းစိမ်များ ပျက်စီးဆုံးရှုံးရမှုအပေါ် မိသားစုဆွေ မျိုးများနှင့်ထပ်တူ ဝမ်းနည်းစိတ်မကောင်းဖြစ်ရကြောင်း မြောက်ပိုင်းညီနောင်မဟာမိတ်သုံးဖွဲ့က ယနေ့(မတ်လ ၂၉ ရက်)တွင် ထုတ်ပြန်သည်။
မတ်လ ၂၈ ရက် နေ့လယ် ၁၂ နာရီ ၅၁ မိနစ် အချိန် မြန်မာနိုင်ငံအလယ်ပိုင်း စစ်ကိုင်းနှင့် မန္တလေးမြို့များအနီးကို ဗဟိုပြု ၍ အင်အား ရစ်(ချ်)တာစကေး (၇.၇)အဆင့်ရှိ အလွန်ပြင်းထန်သော ငလျင်ကြီးလှုပ်ခတ်ခဲ့ပြီး နောက်ဆက်တွဲငလျင်များလည်း အကြိမ်ပေါင်းများစွာ ဆက်လက်လှုပ်ခတ်ခဲ့ကြောင်း သိရှိရသည်ဟု ထုတ်ပြန်ချက်တွင် ဖော်ပြသည်။
အားပြင်းငလျင်ကြောင့် စစ်ကိုင်းတိုင်း၊ မန္တ လေးတိုင်း၊ ရှမ်းပြည်နယ်၊ ပဲခူးတိုင်းနှင့် နေ ပြည်တော် အပါအဝင် နိုင်ငံ၏နေရာဒေသအ များအပြား၌ ပြည်သူလူထု၏ အသက်အိုးအိမ်ထိခိုက်ပျက်စီးမှု၊ ဘုရားကျောင်းကန် စေတီပုထိုးများ၊ ဗလီများအပါအဝင် သာသနိကအဆောက်အအုံများ၊ ရှေးဟောင်းယဥ်ကျေးမှုအမွေအနှစ်များ၊ ဟိုတယ်များ၊ လူနေတိုက်တန်းများ၊ ဆေးပေးခန်းများအပါအဝင် မြောက်များစွာထိခိုက်ပျက်စီးဆုံးရှုံးခဲ့ရသည်ဟု ထုတ်ပြန်သည်။
Public Service Announcement
” သဘာဝဘေးဒဏ်ကြောင့် ပြည်သူ လူထုများ အသက်အိုးအိမ်စည်းစိမ်နှင့် အ ဆောက်အအုံများစွာတို့ ပျက်စီးဆုံးရှုံးခဲ့ရမှုအပေါ် မိမိတို့ ညီနောင်မဟာမိတ်(၃)ဖွဲ့အနေဖြင့် ကာယကံရှင် မိသားစုများ ဆွေမျိုးများနှင့် ထပ်တူဝမ်းနည်းရပြီး များစွာစိတ်မကောင်းဖြစ်ရပါသည်”ဟု ဖော်ပြသည်။
ညီနောင်မဟာမိတ်သုံးဖွဲ့အနေနှင့် ငလျင်ဘေးဒဏ်သင့်ပြည်သူများအား စာနာထောက်ထားသောအားဖြင့် မိမိတို့တတ်နိုင် သည်များကို အမြန်ဆုံးကူညီထောင်ပံ့ပေးသွားမည်ဖြစ်ကြောင်း ပြည်ထောင်စုစိတ်ဓာတ်၊ သွေးရင်းညီအစ်ကိုစိတ်ဓာတ်အပြည့်ဖြင့် အသိပေးထုတ်ပြန်အပ်ပါသည်ဟု ထုတ်ပြန်ချက်တွင် ပါရှိသည်။
ထို့အပြင် လှုပ်ခတ်ခဲ့သော အင်အားပြင်းငလျင်နှင့် နောက်ဆက်တွဲငလျင်များကြောင့် ထိခိုက်၊ သေဆုံး၊ ပျက်စီးဆုံးရှုံးမှု ပကတိမြေပြင်အချက်အလက်များနှင့် ဇလဗေဒတိုင်းထွာချက်များအရ နောက်ဆက်တွဲငလျင်များ ထပ်မံလှုပ်ခတ်နိုင်ဖွယ်ရှိ၍ ပြည်သူများ အထူးသတိပြု သွားလာနေ ထိုင်ကြရန်နှင့် သတင်းမှန်များအား နားစွင့်ထားကြရန် ညီနောင်မဟာမိတ်သုံးဖွဲ့က အကြံပြု တိုက်တွန်းထားသည်။
