ရန်ကုန်မြို့ ရွှေပြည်သာမြို့နယ်ရှိ အမှတ်(၆)ခြေလျင်တပ်ရင်း (ခလရ-၆)ဝင်းနှင့် ဒဂုံမြို့သစ်တောင်ပိုင်း မြို့မရဲစခန်းတို့ကို အဝေးထိန်းမိုင်းများဖြင့် တိုက်ခိုက်ခဲ့ကြောင်း သက်ဆိုင်ရာအဖွဲ့များက ထုတ်ပြန်သည်။
ရွှေပြည်သာမြို့နယ်ရှိ ခလရ(၆)တပ်ရင်းဝင်းအား ဖေဖော်ဝါရီ ၂၅ ရက် ည ၁၀နာရီခန့်တွင် အရှေ့ပိုင်းခရိုင်ပကဖ၏ ဦးဆောင်မှုဖြင့် ဖောက်ခွဲတိုက်ခိုက်ခဲ့ခြင်းဖြစ်ကြောင်း မြောက်ဥက္ကလာပမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူက ပြောသည်။
“တပ်ဝင်းထဲအထိ ပေါက်ကွဲ၊ထိခိုက်မှုတော့ မသိရသေး။ ရဲဘော်တွေတော့ ဘေးကင်းပါတယ်”ဟု ၎င်းက ပြောသည်။
Public Service Announcement
ထို့အပြင် ယမန်နေ့ည ၇နာရီခွဲခန့်တွင် ဒဂုံမြိုသစ်တောင်ပိုင်းမြို့နယ် မြို့မရဲစခန်းကို အဝေးထိန်းမိုင်း နှစ်လုံးဖြင့် တိုက်ခိုက်ခဲ့ကြောင်း Dark Shadow အဖွဲ့က အသိပေးထုတ်ပြန်သည်။
စစ်မှူထမ်းဥပဒေကို အသုံးပြုကာ လူငယ်များအား ဖမ်းဆီးမှု ၊ မိသားစုဝင်များအား ငွေညှစ်မှုများ လုပ်ဆောင်နေသောကြောင့် တိုက်ခိုက်ခဲ့ခြင်းဖြစ်သည်ဟု ယင်းအဖွဲ့က ထုတ်ပြန်ထားသည်။
