ကမ်းပါးနီတံတားမှ ဆူးတစ်​ချောင်းကိုနှုတ်ယူခြင်း

တာရာ/People’s Spring

က​လေးမြို့နယ်က ​တော်လှန်​​ရေးအဖွဲ့​တွေရင်ထဲ စူးဝင်​နေတဲ့ ဆူး​တွေထဲကတစ်​ချောင်းကို လေးနှစ်​ကျော်အကြာမှာ နှုတ်ယူနိုင်ခဲ့ပါပြီ။

မဏိပူရ်မြစ်ပေါ် တံတား​ဆောက်ထားတဲ့ ကမ်းပါးနီတံတားဟာ ​​ဒေသခံ​တွေကြား အရင်ကတည်းကလူသိများပါတယ်။ နွေဦး​တော်လှန်​ရေး မှာ​တော့ ကမ်းပါးနီ တံတားဟာ နိုင်ငံတစ်ဝန်းမှာပါ လူသိများခဲ့ပါတယ်။ စစ်တပ်အာဏာသိမ်းပြီး နှစ်လအကြာ ၂၀၂၁ ခုနှစ် ဧပြီ ၁ ရက်​နေ့မှာ စစ်တပ်အာဏာသိမ်း အကြမ်းဖက်တာကို လက်မခံတဲ့ ဒေသခံ တွေဟာ တူမီး၊​လေသနတ် စတဲ့ ရရာလက်နက်ဆွဲကိုင်ပြီး က​လေး-ဂန့်​ဂေါလမ်း​ပေါ်မှာရှိတဲ့ ကမ်းပါးနီ တံတားမှာ စစ်တပ်ယာဥ်တန်းကို ပိတ်ဆို့ပြီး တိုက်ခိုက်ခဲ့ကြတာပါ ။

၂၀၂၁ မတ်လ ၃၀ ရက်​နေ့မှာ​တော့ က​လေးမြို့​ပေါ် နဲ့ အနီး ဝန်းကျင်​ကျေးရွာ​တွေမှာ ငြိမ်းချမ်းစွာဆန္ဒပြတဲ့ ပြည်သူ​တွေကို စစ်တပ်က အကြမ်းဖက်ဖြိုခွင်း တာ​ကြောင့်​ဒေသခံလူငယ်​တွေက တူးမီး​တွေဆွဲကိုင်ပြီး ခုခံ​တော်လှန်ခဲ့ကြပါတယ် ။

ကလေး – ဂန့်ဂေါ လမ်းမကြီးဘေးမှာရှိစည်သာရွာ၊ ငါးဖားရွာအနီး ဖြစ်ပွားခဲ့တဲ့ တိုက်ပွဲဟာဆိုရင် မတ်လ ၃၀ နေ့လည် ၁၂ နာရီမှ ည ၇ နာရီအထိ့ကြာမြင်ခဲ့ပါတယ်။တိုက်ပွဲအတွင်းမှာ ​ဒေသခံပြည်သူ ၆ ဦး​ကျဆုံးခဲ့သလို ၊ က​လေးမြို့​ပေါ်မှာလည်း ​ဒေသခံပြည်သူ ၁၁ ဦး စုစု​ပေါင်း တစ်ရက်တည်း ၁၇ ဦးကျဆုံးခဲ့ပါတယ် ။ဒီတိုက်ပွဲ​တွေဟာက​လေး
မြို့​ပေါ် ဗိုလ်ချုပ်လမ်း​ပေါ်က နာမည်ကြီး တာဟန်းသပိတ်စခန်း ဖြိုခွဲမခံရင် တစ်ပါတ်အလိုမှာဖြစ်ခဲ့တာပါ ။

စည်သာရွာနဲ့ ငါးဖားရွာအနီးတိုက်ပွဲ​ဟာတစ်​နေကုန်ကြာတာ​ကြောင့် ​နောက်ပိုင်းမှာစစ်သား​တွေကျည်ကုန်သွားလို့ ​စစ်သား​တွေလည်းသေဆုံးဒဏ်ရာရသူများပြီး ​နောက်ပြန်ဆုတ်​ပြေးကြပါတယ် ။

စစ်တပ်ဘက်က အထိနာပြီး ပြန်လည်ဆုတ်ခွာသွား​ပေမယ့် တပ်စိတ်တခုဟာ ငါးဖားရွာ နဲ့ ကပ်လျက် တည်ရှိတဲ့အောင်ချမ်းသာရွာကဘုန်းကြီး ကျောင်းမှာ တပ်စွဲပြီး ဒဏ်ရာရ စစ်သား​တွေကို ဆေးကုသပေးခဲ့ပါတယ် ။အဲဒီ​ဘုန်းကြီးကျောင်းကို​ဒေသခံ​ပြည်သူတွေကဝိုင်းထား​ပေမယ့် စစ်တပ်က စစ်ကူ​ရောက်လာပြီးလာ​ခေါ်ထုတ်ပါတယ် ။

ထပ်​ရောက်လာတဲ့စစ်သား​တွေနဲ့​က​လေးမြို့နယ်က ​ဒေသခံ​​တွေတိုက်ပွဲ​ဆက်ဖြစ်ပါတယ်။အဲဒီအချိန်မှာ ဂန့်​ဂေါ မြို့ဘက်က စစ်ကား ၃ စီးကက​​လေးမြို့ဘက်ကို စစ်ကူလာ​နေပြီလို့ သတင်းကြားတာ​ကြောင့် က​လေး​တောင်းပိုင်းကနယ်ဘက်ကရွာ​တွေကို ကြားဖြတ်တားဆီး​ပေးဖို့အကူအညီ​တောင်းကြပါတယ်။ ဒါ​ကြောင့် စစ်ကူလာ​နေတဲ့ ကား ၃ စီးကို ကမ်းပါးနီ တံတားမှာ ​ဒေသခံ​တွေက ဧပြီ ၁ ရက်​နေ့မှာ ရရာလက်နက်​တွေနဲ့ ကြားဖြတ်တားဆီးတိုက်ခိုက်ခဲ့ကြတာပါ။

ဒီတိုက်ပွဲမှာဆိုရင် ဒေသခံ​တွေဖြစ်တဲ့ချင်း နဲ့ ဗမာ တိုင်းရင်းသားတွေကတူမီးသေနတ်ကိုင်​ဆောင် တိုက်ခဲ့ပေမယ့် စစ်ကောင်စီဘက်က စက်လက်နက်၊ လက်ပစ်ဗုံး နဲ့ ဗုံးပစ်လောင်ချာတွေပါအသုံးပြုခဲ့ပါတယ်။ ဒီတိုက်ပွဲက ဧပြီ ၁ရက်​​နေ့ မွန်းလွဲ ၁ နာရီကနေ ည​နေ ၄ နာရီအထိ သုံးနာရီကျော်ကြာမြင့်ခဲ့ပါတယ်။

ပြည်သူ​တွေဘက်က အင်အားသာလွန်ခဲ့​ပေမယ့် စစ်ကောင်စီတပ်က လက်နက်အင်အားနဲ့ပစ်အားကောင်းတာကြောင့် ပြည်သူတွေဆုတ်ပေးခဲ့ရပါတယ်။အဲ့အချိန်ကတည်းကတူမီးကို စစ်ကောင်စီတပ်က​လျှော့မတွက်ရဲ​တော့တာလို့ ဒေသခံတစ်ဦးကဆိုပါတယ်။

ကမ်းပါးနီတိုက်ပွဲနောက်ပိုင်း စစ်တပ်က ကလေး-ဂန့်ဂေါလမ်းပိုင်းက ဒီနေရာမှာ ဗိုလ်မှူး ၁ဦး အပါအဝင် အင်အား ၇၀ ခန့်နဲ့အခိုင်အမာတပ်စွဲစခန်းချထားတာဖြစ်ပါတယ်။

ဒီစခန်းက ကလေးမြိုနဲ့ မိုင် ၃၀ခန့်ဝေးပြီး ဂန့်ဂေါမြို့နဲ့ ၆ မိုင်သာဝေးပါတယ်။ ဒီနားက ကလေးနယ်ဘက်က ကြံသာရွာ၊ အောင်သာယာရွာနဲ့ မှန်တောရွာတွေက ပျူစောထီးတွေကြီးစိုးတဲ့ စစ်ကောင်စီတပ်တွေ အထိုင်ချထားတဲ့ ရွာတွေဖြစ်ပါတယ်။ ဒါအပြင် ဂန့်ဂေါဘက်ကဆိုရင် ဟံသာဝတီ၊ ကုက္ကားနဲ့ မြောက်ခရမ်းရွာတွေနဲ့ အနီးအနားမှာရှိပါတယ်။

မဏီပူရ်ဖြစ်ပေါ်မှာရှိတဲ့ ဒီတံတားက ဆည်တောရွာကို နောက်ခံထားပြီး ကလေးနယ်တောင်ပိုင်းမှာ တော်လှန်ရေးသမားအတွက်​ရော ၊ စစ်ကောင်စီအတွက်​ရော အချက်အချာလှကျတဲ့ နေရာတစ်ခုဖြစ်ပါတယ်။ ဒီစခန်းက ကလေး-ဂန့်ဂေါ-ချင်းပြည်နယ်တို့ကို နောက်ခံထားတာမို့ တော်လှန်ရေးတပ်တွေကို စစ်ကောင်စီတပ်က အများဆုံး ဒုက္ခပေးခဲ့တဲ့ လမ်းနေရာလည်းဖြစ်ပါတယ်။ဒါ​ကြောင့် ဒီစခန်းကို ​တော်လှန်​ရေးအဖွဲ့​တွေက အကြိမ်ကြိမ်တိုက်ခိုက်ခဲ့ကြ​ပေမယ့်မသိမ်းနိုင်ခဲ့ကြပါဘူး။

​နောက်ဆုံးမှာ ဒီစခန်းကို ၂၀၂၅ ခုနှစ် ဖေဖော်ဝါရီ ၁၁ ရက်​နေ့မှာ ​တော်လှန်​ရေးတပ်ဖွဲ့တွေက စတင်တိုက်ခဲ့ပါတယ်။ ဖေ​ဖော်ဝါရီ ၁၃ ရက်နေ့ မနက်ပိုင်းမှာ​တော့ ကမ်းပါးနီစခန်းကို သိမ်း ဆည်းနိုင်ခဲ့ပါတယ်။ စခန်းကိုတိုက်ခိုက်သိမ်းပိုက်ချိန်မှာ လက်နက်ခဲယမ်းတွေ အမြောက်အမြားလည်းရရှိခဲ့ပါတယ်။

“တော်လှန်ရေးတပ်တွေစတိုက်ပြီး မကြာခင်အချိန်မှာပဲ ဒီဗိုလ်မှူးကဦးဆောင်ပြီးထွက်ပြေးသွားပါပဲ” လို့ ကာကွယ်ရေးတပ်ဖွဲ့ဝင်တစ်ဦးကပြောပါတယ်။ ဒီတိုက်ပွဲမှာ စစ်ကောင်စီဘက်က ၁၀ ဦးသေဆုံးပြီး ၂၀ ကျော်ကိုဖမ်းဆီးရမိတယ်လို့ ကာကွယ်ရေးတပ်ဖွဲ့တွေက​ ပြောပါတယ်။

စစ်ရှုံးသွားတဲ့ စစ်ကောင်စီတပ်သားတွေကတော့ မှန်တောရွာဘက်ကို ထွက်ပြေးသွားပါတယ်။ မှန်တောရွာမှာရှိတဲ့ စစ်ကောင်စီစခန်းကိုလည်း ဖေဖော်ဝါရီ ၁၅ ရက်မှာ ​တော်လှန်ရေးတပ်တွေက အောင်သာယာရွာစခန်းနဲ့အတူ ထပ်မံသိမ်းပိုက်လိုက်ပြန်ပါတယ်။

ကလေးမြို့နယ်တောင်ပိုင်းမှာ အဓိကကျလှတဲ့ကမ်းပါးနီစခန်းကို ​တော်လှန်​​ရေးအဖွဲ့တွေ သိမ်းပိုက်လိုက်နိုင်တာဟာ ​ဒေသခံတွေအတွက် ရင်ထဲက ဆူးတစ်ချောင်းကို နှုတ်ပယ်နိုင်ခဲ့ပြီလို့ဆိုကြပါတယ်။

“ဒီစခန်း ရွာတွေထဲကို လက်နက်ကြီးတွေနဲ့ ပစ်တာတွေ၊သေနတ်တွေနဲ့ ပစ်လို့သေခဲ့ရတဲ့ ပြည်သူတွေ မနည်းဘူးလေ။ အခုတော့ သွေးကြွေးထဲက ဆူးတစ်ချောင်းကို နှုတ်နိုင်ခဲ့ပြီလေ”ဟု ဆည်တောရွာသားတစ်ဦးကပြောပါတယ်။

ကလေးမြို့နယ်ပြည်သူ့အုပ်ချုပ်ရေးအဖွဲ့တာဝန်ရှိသူတစ်ဦး “ကမ်းပါးနီကတော့စစ်ရေးဗျူဟာအချက်အခြာကျတဲ့နေရာဆိုတော့မသိမ်းရင်မရဘူးလေ။ဒါကြောင့် မရ ရအောင်သိမ်းရတာပါ။ချင်းပူးပေါင်းတပ်ဖွဲ့တွေဘက်ကတော့ကမ်းပါးနီဟာချင်းပြည်နယ်အပိုင်းဘက်လည်းပါနေတော့ကျွန်တော်တို့စစ်ကိုင်းတိုင်းနဲ့ပူးပေါင်းတဲ့သဘောပါ”လို့ဆိုပါတယ်။

ဒီစခန်းတွေ မကျခင် နဲ့ ကျသွားတဲ့ အချိန်မှာလည်း စစ်ကောင်စီတပ်က လေကြောင်းပစ်ကူ အလွန်အကျွံအသုံးပြုခဲ့ပါတယ်။ ​ဒေသခံ ပြည်သူတွေကိုဗုံး အလုံးရေ ၁၀၀ ထက်မနည်း ကြဲပြီးသတ်ဖြတ်ခဲ့ပါတယ်။ အနီးမှာရှိတဲ့ နတ်ချောင်းရွာက ဆေးရုံကိုလည်း ဗုံးကြဲခဲ့ပါတယ်။ အချိန်မှီ ရွှေ့ပြောင်းမှုတွေလုပ်နိုင်ခဲ့လို့ ထိခိုက်ဒဏ်ရာရတာ၊ သေဆုံးတာတွေ​တော့ မရှိခဲ့ပါဘူး။​နောက်ပိုင်းမှာလည်း ​ဒေသခံ​တွေကို ဗုံးကြဲတာ၊လက်နက်ကြီးပစ်တာ​တွေ မကြာခဏ စစ်တပ်ကကျူးလွန်ခဲ့ပါတယ် ။ဒါ​ကေမယ့် အခုသိမ်းတဲ့ခဲ့တဲ့စခန်း​တွေကို​တော်လှန်​ရေးတပ်​တွေကသိမ်းပိုက်ထိန်းချုပ်ထားဆဲဖြစ်ပါတယ် ။

ဒါ​ကြောင့် စစ်အုပ်စုက ခံစစ်အခိုင်အမာပြင်ထားတဲ့ ကမ်းပါးနီစခန်းကို ​တော်လှန်​ရေးတပ်တွေက၄ နှစ်အကြာ ၂၀၂၅ခုနှစ်ဖေဖော်ဝါရီ ၁၃ ရက်မှာထိုးစစ်ဆင်တိုက်ခိုက်ပြီး အပြီးသတ်သိမ်းပိုက်နိုင်ခဲ့ပါတယ်။

ဒါဟာ ကလေးနယ်သားတွေအတွက် ရင်ထဲက ဆူးတချောင်းကို နှုတ်ယူနိုင်ခဲ့တာလို့ဆိုကြပါတယ်။ ဒါ​ပေမယ့် စစ်တပ်ဟာ က​လေး​တောင်ပိုင်းမှာ စစ်စခန်း​တွေ ဆုံးရှုံးခဲ့ပြီး​နောက်ပိုင်းစစ်ကူ​​တွေပို့ဖို့ကြိုးစားတာ ၊​လေ​ကြောင်းနဲ့ လက်နက်ကြီး ပစ်တာ​တွေ ဆက်တိုက်လုပ်နေပါတယ် ။

“၄ နှစ်အကြာ တော်လှန်ရေးအကြွေးကို ဆပ်နိုင်ခဲ့ပြီ အဲ့တုန်းက လက်နက်အင်အားကောင်းကောင်းနဲ့ အနိုင်ယူခဲ့တဲ့ စစ်ကောင်စီတပ်ကို အခုပြန်ပြီးတော့ သွေးကြွေးဆပ်နိုင်ခဲ့ပါပြီ။ ရင်ထဲကဆူးတချောင်းကို နှုတ်နိုင်ခဲ့ပါပြီ”လို့ ဒီတိုက်ပွဲမှာပါဝင်ခဲ့တဲ့ ​တော်လှန်​ရေးတပ်ဖွဲ့ဝင်တဦးကပြောပါတယ်။