မန္တလေးမြို့ ၊ ချမ်းအေးသာစံမြို့နယ် ၊ ပြည်ကျော်စျေးအနီးမှာ ဒီနေ့ (ဖေဖော်ဝါရီ ၂၀ ) မနက်အစောပိုင်းက မီးလောင်မှု ဖြစ်ပြီး နေအိမ် ၆ လုံး ခန့် မီးထဲပါသွားတယ်လို့သိရပါတယ်။
မနက် ၄ နာရီခန့်က ပြည်ကျော်စျေးအရှေ့ဘက်ခြမ်း ပြည်ကြီး ပျော်ဘွယ် ရပ်ကွက် ၊ ၈၆ ဘီလမ်း ၊ လမ်း ၃၀ နဲ့ ၃၂ ကြားမှာ မီးလောင်မှု ဖြစ်ပွားတာပါ။
” မီးကများတယ် ၊ အိမ်တွေက ကပ်နေတော့ မီးကူးတာမြန်သွားတယ်” လို့ ဒေသခံတစ်ဦးက ပြောပါတယ်။
Public Service Announcement
မီးသတ်ကတော့ အဲဒီမီးလောင်မှုကို မီးလောင်မှုအခြေအနေအဆင့် (၁) သတ်မှတ်ပြီး နာရီဝက်အတွင်း မီးငြိမ်းနိုင်တယ်လို့ ဆိုထားပါတယ်။မီးလောင်ရတဲ့အကြောင်းအရင်းနဲ့ ဆုံးရှုံးမှုတန်ဖိုးကို မသိရသေးပါဘူး။
