-People’s Spring
တိုက်ပွဲတွေ ပြင်းထန်လာတဲ့နောက် ဘင်္ဂလားဒေ့ရှ် ပိုင်နက်ထဲ ထွက်ပြေးဖို့ ကြိုးစားခဲ့တဲ့ မြန်မာ နယ်ခြားစောင့်တပ် (BGP)ရဲ့ လှေနှစ်စီးကို နတ်မြစ်ထဲမှာ ဘင်္ဂလားဒေ့ရှ် နယ်ခြားစောင့်တပ် (BGB)က ဟန့်တားထားတယ်လို့ ဆိုပါတယ်။
ရခိုင်ပြည်နယ်မှာ အာရက္ခ တပ်တော် (AA)နဲ့ အပြင်းအထန် တိုက်ပွဲဖြစ်ပွားခဲ့တဲ့နောက် BGP အဖွဲ့ဝင်တွေနဲ့ တခြား စစ်ကောင်စီ လက်အောက်ခံ တပ်ဖွဲ့တွေဟာ ဘင်္ဂလားဒေ့ရှ် ပိုင်နက်ထဲ ဖြတ်သန်းဝင်ရောက် ခိုလှုံခဲ့ကြကြောင်း BGBက ထုတ်ပြန်ထားပါတယ်။ အဲဒီအတွက်လည်း နတ်မြစ်အပါ
အဝင် နယ်စပ်တလျှောက်မှာ ဘင်္ဂလားဒေ့ရှ် နယ်ခြားစောင့်တပ် (BGB)က လုံခြုံရေး တင်းကျပ်ထားလိုက်ပါတယ်။
Public Service Announcement
စစ်ကောင်စီရဲ့နယ်ခြားစောင့် တပ်ဖွဲ့ဝင်တွေနဲ့ တခြား စစ်ကောင်စီ အဖွဲ့သားတွေ စုစုပေါင်း တစ်ရာကျော်လိုက်ပါလာတယ်လို့ ယူဆရတဲ့ သစ်သားလှေ နှစ်စီးဟာ ဇူလိုင်လ ၁၄ ရက်နေ့ထိ နတ်မြစ်ထဲမှာပဲ ရှိနေပြီး ဘင်္ဂလားဒေ့ရှ်ကို ကမ်းကပ်ခွင့် မရသေးဘူးလို့ ဆိုပါတယ်။
အဲဒီလှေတွေကို တက်ခ်နက်ဖ်ဒေသနဲ့ မြန်မာဖက်ခြမ်း ဆက်သွယ်ရာ ဂျာလီပါရာ နယ်ခြားဂိတ်နားမှာ ကြားဖြတ် တားဆီးထားခဲ့တာ ဖြစ်ပါတယ်။
အမည်ဖော်မပြတဲ့ ဘင်္ဂလားဒေ့ရှ် အစိုးရ အရာရှိ တစ်ဦးက စစ်ကောင်စီရဲ့နယ်ခြားစောင့်တပ်ဖွဲ့ဝင် ရာဂဏန်းလောက်ဟာ ဘင်္ဂလားဒေ့ရှ် ပိုင်နက်ထဲ ဝင်ရောက်ခွင့် မရဘဲ သစ်သားလှေ နှစ်စီးနဲ့အတူ နတ်မြစ်အလယ်မှာ ပိတ်မိနေတယ် ဆိုတာကို သီးခြား အတည်ပြုခဲ့ပါတယ်။
ဘင်္ဂလားဒေ့ရှ် သတင်းဌာနဖြစ်တဲ့ DBC 24/7 သတင်းဌာနကတော့ ဘင်္ဂလားဒေ့ရှ်ဘက်ကအဝင်မခံလို့ နတ်မြစ်အတွင်း ထွက်ပြေးရင်း ပိတ်မိနေတဲ့ စစ်ကောင်စီတပ်ဖွဲ့ဝင်တွေဟာ ၆၀ ကျော်ရှိတယ်လို့ ရုပ်သံနဲ့တကွဖော်ပြပါတယ်။
BGBဟာ တရားမဝင် နယ်စပ်ဖြတ်ကျော် ဝင်ရောက်မှုတွေကို တားဆီးဖို့အတွက် နတ်မြစ်တကြောမှာ ကင်းလှည့်မှုတွေကို အရှိန်အဟုန်မြှင့် လုပ်ဆောင်နေပါတယ်။
တက်ခ်နက်ဖ်မှာရှိတဲ့ မျက်မြင်တချို့ကတော့ မြန်မာဖက်ခြမ်းက လှေဆိပ်တွေမှာ မီးခိုးလုံးတွေ အူထွက်နေတာကို အဝေးကနေ လှမ်းမြင်ခဲ့ရတယ်လို့ ပြောပါတယ်။ ဒါ့အပြင် နယ်စပ်တကြောမှာ ပေါက်ကွဲသံတွေ ဆက်တိုက်လိုလို ပြန်ပြီး ကြားနေရကြောင်း၊ နယ်ခြားစောင့်တပ်ဖွဲ့ဝင်တွေ ဘင်္ဂလားဒေ့ရှ် ပိုင်နက်ဖက် ထွက်ပြေးခိုလှုံနိုင်ဖို့ ကြိုးစားနေတယ် ဆိုတဲ့ သတင်းတွေလည်း ပျံ့နှံ့နေကြောင်း ပြောကြားခဲ့ပါတယ်။
စစ်ကောင်စီနယ်ခြားစောင့်တပ်တွေသာ မကဘဲ တိုက်ပွဲဇုန်နဲ့ နီးစပ်ရာ ရိုဟင်ဂျာ ကျေးရွာတချို့က ဒေသခံတွေလည်း ဘင်္ဂလားဒေ့ရှ် ပိုင်နက်ထဲ ထွက်ပြေးခိုလှုံဖို့ အားထုတ်မှုတွေ ရှိခဲ့တယ်လို့ ဆိုပါတယ်။
BGBရဲ့ တက်ခ်နက်ဖ် အခြေစိုက် တပ်မမှူး ဒုတိယ ဗိုလ်မှူးကြီး မိုဟာမက် အူဒင် အာမက်က နယ်စပ် တစ်ဖက်ခြမ်းမှာ သေနတ်သံတွေ ဆက်တိုက် ဆူဆူညံညံ ကြားနေရတဲ့နောက် နယ်စပ်ကို တရားမဝင် ဖြတ်ကျော်မှုတွေ ရှိလာခဲ့ပြီး အဲဒီအခြေအနေကို တားဆီးဖို့ လက်အောက်ခံ တပ်တွေကို အမြင့်ဆုံး တပ်လှန့်ထားကြောင်း အတည်ပြုသွားပါတယ်။
AA ကရခိုင်ပြည်နယ်မှာ ထိုးစစ်ဆင်မှုကို အရှိန်မြှင့်လိုက်ပြီးတဲ့နောက်မှာ မောင်တော၊ ဘူးသီးတောင် ဒေသက နယ်စပ်စခန်းတွေက စစ်ကောင်စီတပ်ဖွဲ့ဝင် ရာပေါင်းများစွာဟာဘင်္ဂလားဒေ့ရှ် နိုင်ငံထဲကိုထွက်ပြေးကြတဲ့ဘအတွက်ဘင်္ဂလားဒေ့ရှ် အစိုးရကလည်း အကြိမ်းကြိမ်လက်ခံပြီး မြန်မာနိုင်ငံဘက်ကို ပြန်ပို့ပေးနေရပါတယ်။
ကိုးကား – Dhaka Tribune
