အသုံးပြုလိုက်ပေမယ့် မပေါက်ကွဲဘဲ ကျန်နေတဲ့ လက်ပစ်ဗုံးများ၊ မော်တာများ၊ ဒုံးကျည်များ၊ ကျည်ဆံများက တိုက်ပွဲဖြစ်နေတဲ့ ဒါမှမဟုတ် တိုက်ပွဲဖြစ်ပွားခဲ့တဲ့နေရာတွေ၊ ဗုံးကျဲခံထားရတဲ့နေရာတွေမှာ ရှိနေနိုင်ပါတယ်။
အဲဒီလို ပစ်လိုက်၊ ခတ်လိုက်ပေမယ့် ပေါက်ကွဲမသွားဘဲ ကျန်နေတဲ့ စစ်ကျန်လက်နက်ပစ္စည်းတွေက အသာအယာထိမိတို့မိယုံနဲ့ ပေါက်ကွဲသွားနိုင်ပါတယ်။
Public Service Announcement
အဲဒီလို စစ်ကျန်လက်နက်ပစ္စည်းတွေက မြေမြှုပ်မိုင်းတွေထက်တောင် အဖျက်စွမ်းအားပိုပြင်းထန်နိုင်ပါတယ်။
လက်နက်ပစ္စည်းအပိုင်းအစတွေကိုတွေ့တဲ့အခါ ကိုင်တွယ် ရွေ့ပြောင်းဖို့မကြိုးစားပါနဲ့။ ဓာတ်ပုံမရိုက်ပါနဲ့။ အနီးကပ်မကြည့်ပါနဲ့။ ခဲနဲ့ပစ်ပေါက်ကြည့်တာ၊ တုတ် ဒါမှမဟုတ်အရာဝတ္ထုပစ္စည်းတစ်ခုခုနဲ့ ထိုးစွကြည့်တာမလုပ်ပါနဲ့။
စစ်ကျန်လက်နက်ပစ္စည်းတွေက မြေပေါ်တစ်ပိုင်းတစ်စထွက်နေတာ၊ အမှိုက်တွေ ရွံ့တွေနဲ့ဖုံးအုပ်နေတာမျိုးတွေ့နိုင်ပြီးတော့ သံချေးတက် ဆေးအရောင်တွေပြောင်းနေနိုင်ပါတယ်။
အရောင်အသွေးတွေပြောင်းပြီး မြေပေါ်မြေအောက်မှာ နှစ်များစွာကြာတည်ရှိနေပေမယ့်လည်း အချိန်မရွေးပေါက်ကွဲနိုင်စေတယ်ဆိုတာကိုလည်း မမေ့ပါနဲ့။
Public Service Announcement
