Sudanda paramilitar qüvvə olan Sürətli Dəstək Qüvvələri (RSF) paralel hökumətin qurulduğunu elan edib. Onun hökumətinin təkcə RSF-nin nəzarətində olan ərazilərə deyil, bütün ölkəyə təhsil və səhiyyə kimi əsas xidmətləri göstərəcəyi bildirilib.
Gununsesi.info xarici mediaya istinadən xəbər verir ki, Sudanda ordu ilə vuruşan Sürətli Dəstək Qüvvələri (RSF) tərəfindən paralel hökumət quruldu. RSF lideri Mohammed Hamdan Dagalo vətəndaş müharibəsinin ikinci ildönümündə Sudanın əsl simasını əks etdirən geniş “Sülh və Birlik Hökuməti” koalisiyasının qurulduğunu və hökumətin “Sudanın real gələcəyini qurduğunu” söylədi.
Hökumətinin təkcə RSF-nin nəzarətində olan əraziləri deyil, bütün ölkəyə təhsil və səhiyyə kimi əsas xidmətləri təmin edəcəyini ifadə edən Daqalo, “Biz suverenlik deyil, birlik istəyirik. İnanırıq ki, heç bir qəbilə, bölgə və ya din Sudanın tək sahibi deyil”.
Sudanda RSF və müttəfiqləri martın 5-də yeni hökumətin formalaşdırılmasını və səkkiz bölgəyə bölünmüş federal dövlətin yaradılmasını nəzərdə tutan keçid konstitusiyasını imzalayıblar. Vahid milli ordunun yaradılmasını nəzərdə tutan konstitusiyaya əsasən, keçid dövrünün sonunda seçkilərin keçirilməsi qərara alınıb.
Orxan
