2023-cü ildə Rusiya Səhiyyə Nazirliyinin antiretrovirus (ARV) dərmanlarının mərkəzləşdirilmiş tədarükünə ayırdığı maliyyə 29% azalıb.
Gununsesi.info xarici mediaya istinadən xəbər verir ki, şöbənin 2023-cü ildə dərmanların alınmasına xərclədiyi məbləğ 2022-ci illə müqayisədə 11 milyard rubl azalaraq 27,35 milyard təşkil edib .
Hesabat müəllifləri qeyd ediblər ki, 2022-ci ilin ortalarında nazirlik 2023-cü ilin federal büdcəsindən ayrılan vəsaitin bir hissəsindən istifadə etməklə hərraclar keçirib.
Beləliklə, Səhiyyə Nazirliyi 2023-cü ilin satınalma dövrünə daha kiçik büdcə ilə daxil olub.
Rospotrebnadzorun statistikasına görə, İİV-ə yoluxanların ümumi sayı 2017-ci ildəki 943 999 nəfərdən 2023-cü ildə 1 197 410 nəfərə yüksəlib.
Ölkənin Səhiyyə Nazirliyinin məlumatına görə, dispanser qeydiyyatında olan İİV-ə yoluxmuş şəxslərin sayı 18% – 2017-ci ildəki 724 415 nəfərdən 2023-cü ildə 855 142 nəfərə yüksəlib.
Antiretrovirus terapiya alanların sayı 118,2% artaraq 2017-ci ildəki 346 132 nəfərdən 2023-cü ildə 755 108 nəfərə çatıb.
Gununsesi.info
