Türkiyənin Kayseri şəhərində hərbi təyyarə qəzaya düşüb.
Gununsesi.info xəbər verir ki, bu barədə ölkənin Milli Müdafiə Nazirliyi məlumat yayıb.
Bildirilib ki, Kayseri 12-ci Hava Nəqliyyatı Baş Baza Komandanlığından təlim üçün havaya qalxan Hərbi Hava Qüvvələri Komandanlığına məxsus “SF-260D” tipli təyyarə naməlum səbəbdən qəzaya uğrayıb. Hadisə nəticəsində 2 pilot həlak olub.
Axtarış-xilasetmə işləri aparılır.
