Google Android üçün desert adlarına üstünlük verir. Android əməliyyat sistemi daha əvvəl donut (donat), eclair (ekler) və KitKat kimi adlarla ortaya çıxmışdı. Mediaya sızan məlumatlar Android 16-nın adının paxlava olacağını göstərib.
Gununsesi.info xarici mediaya istinadən bildirir ki, Google əvvəllər Android versiyalarına şirniyyat kod adları verirdi, lakin Android 10-un bazara buraxılması ilə bu ənənədən uzaqlaşdı və bütün gələcək versiyalar üçün yalnız versiya nömrələrindən istifadə etməyə qərar verdi. Nəticə olaraq, Android 16 rəsmi olaraq istifadə edilən bir şirniyyat kod adı olmadan sadəcə “Android 16” kimi tanınacaq.
Android Authority-ə görə, Android 16-nın kod adının paxlava olduğuna dair bəzi sübutlar var. Məsləhətləşdikləri mənbəyə görə, paxlava həqiqətən Android 16 üçün desert adı olaraq təyin edilib.
Ancaq Google Android 15 üçün “Vanilla Ice Cream” (vanilli dondurma) adlandırmağa daha çox üstünlük vermişdi.
Google hələ Android 16-nın buraxılış qrafikini açıqlamayıb. Bununla belə, platformanın buraxılış tarixinə baxdıqda, onun 2025-ci ilin 4-cü rübündə buraxılacağı gözlənilir.
Məlumat üçün bildirək ki, Android 15 üçün ilk Developer Preview 2024-cü ilin fevralında buraxılıb. Android 15 Beta 1-in 2024-cü ilin aprelində, stabil Android 15 yeniləməsinin isə 2024-cü ilin oktyabrında buraxılacağı gözlənilir. Android 15-in mənbə kodu 2024-cü ilin sentyabrında buraxılıb.
Bununla belə, Google-un Android 16-nı həmişəkindən daha tez bazara buraxa biləcəyinə dair sübutlar var. AOSP (Android Open Source Project) – dakı kod, 2025-ci ilin 2-ci rübündə, yəni həmin ilin aprel, may və ya iyununda bir şey görə biləcəyimizi təklif edir. Bu Google-un niyyəti ola bilər, amma həqiqətən buna nail olub-olmayacağını zaman göstərəcək.
Günel Həsənova
Gununsesi.info
