WikiLeaks-in qurucusu Julian Assange Strasburqda Avropa Şurası Parlament Assambleyasının (AŞPA) Hüquq Məsələləri və İnsan Haqları Komitəsinin iclasında iştirak edəcək.
Gununsesi.info xəbər verir ki, bu barədə RİA Novosti məlumat yayıb.
Bildirilir ki, Assange komitə qarşısında ifadə verəcək və Britaniyanın ən yüksək rejimli Belmarş həbsxanasında saxlanma şəraiti barədə danışacaq.
Bu, onun 2019-cu ildə həbs olunduqdan sonra ona qarşı açılan iş üzrə ilk ictimai çıxışı olacaq.
Xatırladaq ki, 52 yaşlı Assange ABŞ tarixində ən böyük məxfi məlumatların, o cümlədən hərbi cinayətlərin açıqlanmasında ittiham olunur.
O, bir neçə il Ekvadorun Londondakı səfirliyində olub, lakin 2019-cu ilin aprelində Ekvador Xarici İşlər Nazirliyi ona siyasi sığınacaq vermək qərarını geri götürüb. Bundan sonra jurnalist Britaniya hakimiyyət orqanları tərəfindən həbs edilmişdir.
Jurnalist ABŞ-a ekstradisiya ilə üzləşib, orada 175 il həbs cəzası alıb, lakin iyunun 25-də həbsdən azad edilib.
London Ali Məhkəməsi onu zaminə buraxıb. KİV-in məlumatına görə, bunun müqabilində Assange ABŞ-da ona qarşı irəli sürülən 17 ittihamdan biri – məxfi məlumatların əldə edilməsi və yayılması üçün cinayət sui-qəsdi ilə bağlı ittihamları qəbul etməyə razılaşıb.
Bu cinayətə görə o artıq Britaniya həbsxanasında xidmət etdiyi müddətə məhkum edilib.
Bundan əvvəl AŞPA WikiLeaks-in təsisçisinin həbsinin jurnalistlərin hüquq və azadlıqlarının təmin edilməsi baxımından nəticələrinə dair hesabat dərc edib.
Şəbnəm
