“Şamaxı”nın futbolçusu Edqar Adilxanov sıradan çıxıb.
Gununsesi.info xəbər verir ki, 19 yaşlı yarımmüdafiəçi Azərbaycan Premyer Liqasının XXXIII turunda evdə “Səbail” ilə 1:1 hesablı heç-heçə etdikləri oyunun 89-cu dəqiqəsində zədələnib.
O, “dənizçilər”in oyunçusu Süleyman Alluşla mübarizədə xəsarət alıb. Adilxanovun əvəzinə meydana Səbayıl Bağırov daxil olub.
Qeyd edək ki, Edqar Adilxanov cari mövsüm ərzində meydana çıxdığı 24 oyunda 3 qol müəllifi olub. U-21 millisinin də üzvü olan Adilxanov hazırda Azərbaycanın ən istedadlı futbolçularından sayılır.
