မေ – ၂၉ ၊၂၀၂၆ ၊ ဆိုင်းမင်း/People’s Spring
ပဲခူးတိုင်း၊ပြည်အကျဉ်းထောင်မှာနိုင်ငံရေးအကျဉ်းသားတစ်ဦးလုံ လောက်တဲ့ကျန်းမာရေးစောင့်ရှောက်မှုမရတာကြောင့်မေလ ၂၃ ရက်မှာဆုံးပါးသွားတယ်လို့ မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)ကအသိပေးထားပါတယ်။
နိုင်ငံရေးအကျဉ်းသားကိုမြင့်နိုင်(ခ)မြင့်စိုးဟာထောင်တွင်းဆေးကုသမှုမလုံလောက်ခဲ့တဲ့အတွက်မေလ ၂၃ ရက်နေ့ညပိုင်းမှာသေဆုံးသွားတာလို့ PPNM က မနေ့ကအသိပေးထုတ်ပြန်တာပါ။
အဲဒီနိုင်ငံရေးအကျဉ်းသားအမျိုးသားဟာသွေးတိုးရောဂါအခံရှိသူဖြစ်သလ်ိုမဆုံးခင်ရက်ပိုင်းအလိုမေလ၂၁ ရက်မှာလေဖြတ်သွားတာကြောင့် ပြည်မြို့ကုတင်(၅၀၀)ဆေးရုံမှာဆေးကုသမှုခံယူခဲ့ရတယ်လို့ သိရပါတယ်။
Public Service Announcement
ဒါပေမယ့်ထောင်တွင်းမှာဆေးဝါးကုသမှုကောင်းကောင်းမွန်မရခဲ့တာ အပြင်ရောဂါပြင်းထန်တာတွေကြောင့်မေလ ၂၃ ရက် ည ၁၁ နာရီဝန်း ကျင်မှာဦးနှောက်သွေးကြောပေါက်ပြီးဆေးရုံမှာသေဆုံးသွားတာလို့ PPNM ကအသိပေးထားပါတယ်။
နိုင်ငံရေးအကျဉ်းသားကိုမြင့်နိုင်(ခ)မြင့်စိုးဟာအဖမ်းမခံရခင်ကရန်ကုန်မြို့မှာတက္ကစီယာဉ်မောင်းတစ်ဦးအဖြစ် လုပ်ကိုင်ခဲ့သူပါ။ ပြီးခဲ့တဲ့ ၂၀၂၄ ခုနှစ်၊ ဇန်နဝါရီလ ၂၉ ရက်မှာ ဖမ်းဆီးခံခဲ့ရပါတယ်။
အဲဒိီနောက်သူကို အကြမ်းဖက်မှုတိုက်ဖျက်ရေးဥပဒေပုဒ်မ၅၂(ဂ)၊ ၅၀(ဈ) တို့နဲ့ ၂၀၂၅ ခုနှစ်၊မေလ ၃ ရက်နေ့မှာထောင်ဒဏ်၁၀ နှစ် ချမှတ်ခဲ့ပြီး အင်းစိန်ထောင်ကတဆင့်ပြည်ထောင်ဆီထောင်ပြောင်းခဲ့တာပါ။
ကိုမြင့်နိုင်နဲ့ အတူဖမ်းဆီးခြင်းခံရတဲ့ ဇနီးဖြစ်သူကလည်း အကြမ်းဖက်မှုတိုက်ဖျက်ရေးဥပဒေပုဒ်မ ၅၂(ဂ)၊ ၅၀(ဇ) တို့နဲ့ထောင်ဒဏ် ၁၀ နှစ်ချခံရပြီး အင်းစိန်ထောင်မှာအကျဉ်းကျနေပါတယ်။
ပြည်ထောင်မှာအခုလ မေလ ၂၂ ရက်မှာနှလုံးသွေးကြောကျဉ်းရောဂါခံစားနေရတဲ့ပြည်မြို့ အမျိုးသားဒီမိုကရေစီအဖွဲ့ချုပ်(NLD)ပါတီဝင်ကိုဌေးအောင်နိုင်လည်းထောင်မှာလုံလောက်တဲ့ဆေးဝါးကုသမှုမရလို့ သေ ဆုံးခဲ့ရပါတယ်။
