ဖေဖော်ဝါရီ-၂၃၊ ၂၀၂၆။ ထားမြတ်/People’s Spring
ကချင်လွတ်လပ်ရေးတပ်မတော်(KIA) ထိန်းချုပ် ဒေသ တစ်ခုဖြစ်တဲ့ မိုင်ဂျာယန်ဒေသကို စစ်တပ်က ဗုံးကြဲလို့ အဘိုးအိုတစ်ဦး သေဆုံးခဲ့ကြောင်း ကချင်သတင်းရင်းမြစ်အချို့က ပြောပါတယ်။
ဖေဖော်ဝါရီ ၂၂ရက် ညသန်းခေါင်မှာ မိုင်ဂျာယန် ဒေသ ဘွမ်ကထောင်ကျေးရွာကို စစ်တပ်က ဗုံးကြဲတိုက်ခိုက်ခဲ့တာလို့ ဆိုပါတယ်။
” အသက် ၇၅ နှစ်အဘိုးကြီး တယောက်သေးသွားတယ်”လို့ သတင်းရင်းမြစ်က ပြောပါတယ်။
Public Service Announcement
အခြား သတင်းရင်းမြစ်တဦးကလည်းဗုံးကြဲခံရတဲ့ နေရာဟာ KIO အုပ်ချုပ်နယ်မြေသတ်မှတ်ချက်အရ ဗန်းမော်ခရိုင် စင်လုံမြို့နယ် အရှေ့ပိုင်းတိုင်းစစ်ဌာနချုပ် KIA တပ်မဟာ(၃) နယ်မြေထဲက ဖြစ်တယ်လို့ ပြောပါတယ်။
” ပြည်သူကိုပစ်မှတ်ထားတာဟာ စစ်ရာဇဝတ်မှုကို ကျူးလွန်တာပဲဖြစ်တယ်”လို့ ကချင်သတင်းရင်းမြစ်က အရပ်သားတွေကို ပစ်မှတ်ထားတိုက်ခိုက်နေတဲ့အပေါ် ပြောပါတယ်။
စစ်ကောင်စီတပ်ဟာ KIA ထိန်းချုပ်နယ်မြေတွေကို လေကြောင်း ဗုံးကြဲတိုက်ခိုက်တာတွေ ဆက်တိုက်ပြုလုပ်နေတာပါ။ စစ်ပွဲဖြစ်ပွားမှုမရှိတဲ့နေရာတွေကို စစ်ကောင်စီဘက်က ဗုံးကြဲတိုက်ခိုက်နေတာဖြစ်ကြောင်း KIA သတင်းပြန်ကြားရေးဌာနက ဖေဖော်ဝါရီ ၂၂ရက် သတင်းဖော်ပြချက်မှာ ဖော်ပြထားပါတယ်။ အခုရက်ပိုင်းအတွင်း စစ်ကောင်စီက KIA ဌာနချုပ် လိုင်ဇာအနီး၊ KIA တပ်မဟာ(၂)၊ တပ်မဟာ(၃)၊ တပ်မဟာ(၅)၊ တပ်မဟာ(၈)၊ တပ်မဟာ(၉)နဲ့ တပ်မဟာ(၁၁) နယ်မြေတွေကို လေကြောင်းဗုံးကြဲတိုက်ခိုက်ခဲ့တာဖြစ်ပါတယ်။
တဖက်မှာ KIA အနေနဲ့လည်း ဗန်းမော်မြို့သိမ်း စစ်ဆင်ရေးကို ဆက်လက်ဖော်ဆောင်လျက်ရှိပြီး ဖေဖော်ဝါရီ ၂၁ရက် မှာ ခလရ(၂၃၆)တပ်ရင်းဌာနချုပ်ရဲ့ ကာကင်းစခန်းကို သိမ်းရခဲ့ပြီး စစ်ကောင်စီတပ်က သေဆုံးတာ လက်နက်တွေ သိမ်းရတာရှိတယ်လို့ စစ်ရေး သတင်းရင်းမြစ်က ပြောပါတယ်။
ရုပ်သံ – ပေးပို့
