ဖေဖော်ဝါရီ-၉၊ ၂၀၂၆။ သုည/People’s Spring
စစ်ကိုင်းတိုင်းအတွင်းက သပိတ်အဖွဲ့တွေ၊ ဒေသခံပြည်သူတွေဟာ စစ်တပ်ရွေးကောက်ပွဲဆန့်ကျင်ရေးနဲ့ စစ်တပ်ဝါဒဖြန့်မှုသတိထားရေး လူထုသပိတ်လှုပ်ရှားမှုတွေကို ဒီနေ့ ပြုလုပ်ခဲ့ပါတယ်။
ဓာတ်ပုံ – ရွာပေါင်းစုံသပိတ်၊ စစ်ကိုင်းဒေသသပိတ်အင်အားစု၊ GSCB ၊ရွှေဗန့်ဂျီ သပိတ်အင်အားစု 
ဓာတ်ပုံ – ရွာပေါင်းစုံသပိတ်၊ စစ်ကိုင်းဒေသသပိတ်အင်အားစု၊ GSCB ၊ရွှေဗန့်ဂျီ သပိတ်အင်အားစု 
ဓာတ်ပုံ – ရွာပေါင်းစုံသပိတ်၊ စစ်ကိုင်းဒေသသပိတ်အင်အားစု၊ GSCB ၊ရွှေဗန့်ဂျီ သပိတ်အင်အားစု 
ဓာတ်ပုံ – ရွာပေါင်းစုံသပိတ်၊ စစ်ကိုင်းဒေသသပိတ်အင်အားစု၊ GSCB ၊ရွှေဗန့်ဂျီ သပိတ်အင်အားစု
စစ်ကိုင်းတိုင်းအတွင်း ရွှေဗန့်ဂျီ သပိတ်အင်အားစုက ဦးဆောင်ပြီး စစ်တပ်က တစ်နိုင်ငံလုံးအတိုင်းအတာနဲ့ လုပ်ဆောင်နေတဲ့ သတင်းအမှားတွေ၊ ဝါဒဖြန့်ချိမှုတွေနဲ့ တော်လှန်ရေးအပေါ် အမြင်လွှဲမှားစေနိုင်တဲ့ စကားတွေကို ပြည်သူတွေ သတိထားနိုင်ဖို့ ရည်ရွယ်ကာ ပညာပေးလက်ကမ်းစာစောင်တွေကို ဖြန့်ဝေခဲ့ပါတယ်။
အဲဒီလက်ကမ်းစာစောင်တွေကို ဆားလင်းကြီးမြို့နယ်၊ ရေစကြိုမြို့နယ်နဲ့ မြိုင်မြို့နယ်အတွင်းရှိ ကျေးရွာပေါင်း၃၀ ကျော်မှာဖြန့်ဝေခဲ့ပြီးစစ်တပ်ရဲ့ဝါဒဖြန့်ချိမှုတွေကပြည်သူအချင်းချင်းယုံကြည်မှုကို ခွဲထုတ်ဖို့၊ တော်လှန်ရေးအပေါ် သံသယဖြစ်စေဖို့ ဘယ်လိုပုံစံနဲ့ လှည့်စားနေသလဲဆိုတာကို တိတိကျကျ သတိပေးပြောကြားခဲ့ပါတယ်။
Public Service Announcement
ပြည်သူတွေအနေနဲ့ သတင်းကို ချက်ချင်းမယုံဘဲ မူရင်းအရင်းအမြစ်ကို စစ်ဆေးဖို့၊ လှည့်စားတဲ့ စကားတွေကို ခွဲခြားသိရှိဖို့ အထူးလိုအပ်ကြောင်းကိုလည်း အလေးပေး ပြောကြားခဲ့ပါတယ်။
ယင်းမာပင်မြို့နယ်မှာလည်း အောင်လံလွင့်မည်ရွှေရေကြည်လူထုသပိတ်ကော်မတီက နယ်မြေမငြိမ်သက်တဲ့ကြားက စစ်အာဏာရှင်ဆန့်ကျင်ရေး လူထုသပိတ်ဆန္ဒပြပွဲ ပြုလုပ်ခဲ့ပါတယ်။
ယင်းမာပင်မြို့နယ် မြောက်ခြမ်းမှာလည်း အောင်လံလွှင့်မည် ဒေါင်းသွေးနီ သပိတ် စစ်ကြောင်းက ဒေသခံပြည်သူတွေနဲ့ ပူးပေါင်းပြီး စစ်အာဏာရှင်စနစ်ကို ဆန့်ကျင်ဖို့နဲ့ စစ်တပ်ထုတ်ကုန် မသုံးစွဲဖို့ ဆန္ဒထုတ်ဖော်ခဲ့ပြီး စစ်တပ်ထုတ်ကုန်ကို ပြည်သူတွေမသုံးစွဲကြဖို့ လက်ကမ်းစာစောင်တွေ မျှဝေခဲ့ပါတယ်။
စစ်ကိုင်းတိုင်းအတွင်းက ဒေသခံတော်လှန်ပြည်သူတွေဟာ နယ်မြေမငြိမ်သက်မှုကြားထဲကနေပဲ စစ်အာဏာရှင်ကျရှုံးရေးနဲ့ စစ်တပ်ရွေးကောက်ပွဲဆန့်ကျင်ရေး ဆန္ဒပြသပိတ်တွေကို နေ့စဉ်ပြုလုပ်နေကြပါတယ်။
