ဧပြီ-၂၄၊၂၀၂၅။ဇော်ရမ်း/People’s Spring
မြစ်ကြီးနား-မိုးကောင်း-ဖားကန့်လမ်းအတိုင်းစစ်ကောင်စီတပ် နှင့် ရှမ်းနီတပ်(SNA) ပူးပေါင်းတပ် အင်အား ၅၀၀ ကျော်ပါဝင်သော စစ်ကြောင်းလှုပ်ရှားလာ၍ လမ်းအသုံးပြုခွင့်ကို KIA က ယာယီတားမြစ်ထားကြောင်း သတင်းရရှိသည်။
စစ်ကောင်စီတပ်သည်ဧပြီလ၂၄ ရက်နံနက်အစောပိုင်းမှစ၍ အဆိုပါလမ်းပိုင်းပေါ် စစ်ရေးလှုပ်ရှားလာခြင်းဖြစ်ပြီးအင်အားအလွန်များပြားကြောင်း ခရီးသွားများကပြောသည်။
“ကားတွေပေါ်မှာဒရုန်းတွေလည်းပါတယ်။ယာဉ်အတန်းလိုက်ကြီး။KIAက ဘယ်နေရာကနေ တွယ်မလဲမသိဘူး။လမ်းပိုင်းတစ်လျှောက်ကတော့ ဘယ်နေရာမှ စိတ်ချလို့မရဘူး” ဟုမိုးကောင်းမှ မြစ်ကြီးနားမြို့သို့ ယနေ့ နံနက်ပိုင်းတွင် ထွက်ခွာလာသောဒေသခံတစ်ဦးက ပြောသည်။
Public Service Announcement
စစ်ကောင်စီစစ်ကြောင်းတွင်ဘာသာရေးဆိုင်ရာအသင်းအဖွဲ့ကားများလည်းပါလာသည်ကိုတွေ့ရသည်ဟု ၎င်းကဆက်ပြောသည်။
စစ်ကောင်စီစစ်ကြောင်းသည်ဖားကန့်အထိတက်ရန် ပြင်ဆင်ထားကြောင်း သတင်းများထွက်ပေါ်နေပြီး လမ်းအသုံးပြုသူများအား ခြိမ်းခြောက်မှုများရှိနေကြောင်းမိုးကောင်းမြို့ခံတစ်ဦးကပြောသည်။
“လမ်းကတော့ စစ်တပ်ကရော KIA ကပါ အပိုင်းလိုက်ပိတ်ထားတာပါ။ကျည်စပေါက်ရင်တော့ဒီနေ့ကစပြီး နောက်တစ်ပတ်၊ နှစ်ပတ်လောက်အထိ တိုက်ပွဲဆက်သွားနိုင်တယ်” ဟုသူ၏အမြင်ကို ပြောသည်။
မိုးကောင်း-ဖားကန့်လမ်းမှ ဖားကန့်သို့ မရောက်မီ ၆ မိုင်ခန့်အကွာရှိလုံဘရာရွာ၊ လဝါးရွာနှင့် ဒွန်ဘုန်းခရွာ၌ စစ်ကောင်စီ၊ ရှမ်းနီတပ်(SNA)နှင့် ပြည်သူ့
စစ်အဖွဲ့များက ပြီးခဲ့သည့် မတ်လ နှောင်းပိုင်းမှစ၍ တပ်စွဲလိုက်ပြီးနောက်ယင်းနေရာတစ်ဝိုက်တွင် တိုက်ပွဲများဖြစ်ပွားခဲ့သည်။ စစ်ကောင်စီဘက်တွင် ထိခိုက်သေဆုံးမှုများပြားခဲ့ပြီးလေကြောင်းမှလည်းဗုံးကြဲတိုက်ခိုက်ခဲ့သည်။ယခုအခါနောက်ထပ်အင်အားထပ်ဖြည့်ရန် ကြိုးပမ်းလာခြင်းဖြစ်သည်။
ဖားကန့်မြို့ကို KIA ကမထိန်းချုပ်နိုင်သေးသော်လည်း စစ်ကောင်စီ၏ အုပ်ချုပ်ရေးယန္တရားလည်း အပြည့်အဝ လည်ပတ်ခြင်းမရှိပေ။ ဆိုင်းတောင်ရွာကို KIA က ထိန်းချုပ်ထားသည်။ စစ်ကောင်စီက ဖားကန့်ကို စစ်ကြောင်းထိုးရန် ပြင်နေသလို တစ်ချိန်တည်းတွင် KIA တပ်မဟာ(၉) တပ်ရင်း (၂၆) ရှိသည့် မိုးညှင်းမြို့နယ်၊ အင်းတော်ကြီးကန် အရှေ့ဘက်ခြမ်းကျေးရွာများကို လေကြောင်းမှ ဗုံးကြဲခဲ့သည်။ဧပြီလ၂၄ ရက် နံနက်ပိုင်းတွင်လည်းအင်းတော်ကြီးကန် အရှေ့ဘက်ခြမ်းကျေးရွာအချို့ကိုလေကြောင်းမှဗုံးထပ်မံကြဲသွားသည်။
စစ်ကောင်စီသည်ဧပြီလကုန်အထိအပစ်ရပ်စဲသည်ဟုကြေညာထားသော်လည်းလေကြောင်း ဗုံးကြဲတိုက်ခိုက်မှုများ၊ထိုးစစ်ဆင်မှုများလုပ်၍ကြေညာချက်အပေါ်အမြတ်ထုတ်နေကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူက People’s Spring အားပြောထားသည်။ဧပြီလတွင်တစ်ရက်မှ အပစ်ရပ်စဲခြင်းမရှိဘဲ KIA နယ်မြေအပါအဝင် နိုင်ငံတဝန်း လျက်ရှိကြောင်း တော်လှန်ရေးတပ်ဖွဲ့များကပြောသည်။
စစ်ကောင်စီသည် ဧပြီ ၂ရက် မှ ၂၂ရက်အထိ အပစ်ရပ်စဲကြောင်း ကြေညာချက် ထုတ်ပြန်ခဲ့ပြီး ဧပြီ ၂၃ရက်မှ ၃၀ရက်အထိ သက်တမ်းတိုးကြောင်း ထပ်မံ ကြေညာခဲ့သည်။သို့သော်စစ်ကောင်စီသည် တစ်ရက်မှ အပစ်ရပ်စဲခြင်းမရှိဘဲ KIA နယ်မြေအပါအဝင် နိုင်ငံတဝန်း လေကြောင်း ဗုံးကြဲတိုက်ခိုက်မှုများ ထိုးစစ်ဆင်မှုများပြု လုပ်နေကြောင်း တော်လှန်ရေးတပ်ဖွဲ့များက ပြောသည်။
