ကျိုင်းတုံ – တောင်ကြီးလမ်းပိုင်းမှာ ခရီးသည်တင်ကား ချောက်ထဲထိုးကျလို့ ၇ ဦးဆုံးပါး

ဧပြီ – ၉၊၂၀၂၅/People’s Spring

ရှမ်းပြည်နယ် ကျိုင်းတုံ – တောင်ကြီး လမ်းပိုင်းရဲ့ စပယ်ရှယ်တောင်အဆင်း လက်ပံပင်ကွေ့မှာ မနေ့ (ဧပြီ ၈ ) ညပိုင်း ၈ နာရီခန့်က ခရီးသည်တင်ကား ချောက်ထဲ ထိုးကျပြီး ၇ ဦး သေဆုံးသွားတယ်လို့ နှလုံးလှ ပိုင်ရှင်များ လူမှုကူညီရေးအသင်းထံက သိရပါတယ်။

တာချီလိတ်ကနေ လာတဲ့ ခရီးသည်တင် ၆ ဘီးကားဟာ တောင်အဆင်း လမ်းဘေး ချောက်ထဲ ထိုးကျပြီး ၇ ဦး သေဆုံးကာ ၃ ဦးထိခိုက်ဒဏ်ရာရခဲ့တာပါ။

” အဲဒီနားက မကြာခဏယာဥ်တိမ်းမှောက်တယ် ၊ဒဏ်ရာရတဲ့သူတွေကို ကျိုင်းတုံဆေးရုံကိုပို့ဆောင်လိုက်ပါတယ်”လို့နှလုံးလှပိုင်ရှင်များ လူမှုကူညီရေးအသင်း ရဲ့ တာဝန်ရှိသူတစ်ဦးကပြောပါတယ်။

Public Service Announcement

ဒဏ်ရာရရှိသူထဲမှာ ကိုယ်ဝန်ဆောင်အမျိုးသမီးလည်း ပါဝင်တဲ့အတွက် ဆေးရုံကိုအရေးပေါ်ပို့ဆောင်ပေးခဲ့ရတယ်လို့ သိရပါတယ်။

သေဆုံးသူတွေရဲ့ ကျား၊မစာရင်း အတိအကျမသိပေမယ့် အမျိုးသားအများစုပါဝင်တယ်လို့ သိရပါတယ်။

တိမ်းမှောက်မှုဖြစ်ပွားတဲ့ ခရီးသည်တင်ကားဟာ တာချီလိတ်ကနေ မန္တလေး၊မိတ္ထီလာဘက်ကိုပြေးဆွဲနေတဲ့ ယာဥ်လိုင်းဖြစ်တယ်လို့ သိရပါတယ်။

ပြီးခဲ့တဲ့ မတ်လ ကလည်း အခုအခင်းဖြစ်တဲ့နေရာအနီးမှာပဲ ခရီးသည်တင်ကား တိမ်းမှောက်ပြီး လူ၆ဦးသေဆုံးခဲ့ပါတယ်။