တာရာ/People’s Spring
ရခိုင်ရိုးမ အနောက်ပိုင်းတွင် အာရက္ခတပ်တော် (AA) နှင့် စစ်ကောင်စီတပ်တို့ကြားတိုက်ပွဲပြင်းထန်နေကြောင်း ဒေသခံများကပြောသည်။
အမ်းမြို့အခြေစိုက် အနောက်ပိုင်းတိုင်းစစ်ဌာနချုပ်ကို ပြန်လည်ရယူနိုင်ရေးအတွက် စစ်ကောင်စီတပ်က အမြောက်တပ်များချထားကာ စစ်ကြောင်းထိုးတက်လာခြင်းကြောင့် တိုက်ပွဲဖြစ်ပွားနေခြင်းဖြစ်သည်ဟု ဒေသခံများထံမှသိရသည်။
ဒီဇင်ဘာ ၂၆ ရက်နေ့တွင် စစ်ကောင်စီတပ်က အမ်းမြို့နှင့် ၁၂ မိုင်အကွာ အမ်းတောင်ကြားလမ်းအတိုင်း စစ်ကြောင်းတက်လာရာ AAက ကြားဖြတ်တိုက်ခိုက်ခဲ့ခြင်းဖြစ်သည်။
Public Service Announcement
“ငဖဲ-ပဒါန်းလမ်းကို အသုံးပြုပြီးတော့ စစ်တပ်က အင်အားထပ်တိုးနေတာလေ။ လက်နက်ကြီးတပ်တွေ ဖြန့်ထားတယ်။ ပဒါန်းနားက ကပစ စက်ရုံကိုတိုက်မှာလည်း စစ်တက်ကကြောက်လို့ တပ်တွေအများကြီးဖြန့်ထားတယ်”ဟု စစ်ရေးအရင်းမြစ်တစ်ဦးကပြောသည်။
ထိုအပြင် အာရက္ခတပ်တော်က ရခိုင်ရိုးမအစပ်ရှိ ဆင်ခုံတိုင်ရွာကို သိမ်းပိုက်ထားသည်ဟုလည်း ၎င်းကဆက်ပြောသည်။
ပဒါန်းတပ်နယ်တွင် စစ်ကောင်စီ၏ အမှတ် (၁၄) ကာကွယ်ရေးပစ္စည်းစက်ရုံ၊ အမှတ် (၉၀၅) အမြောက်တပ်ကွပ်ကဲမှုဌာနချုပ်တို့ တည်ရှိနေရှိနေသည်။
စစ်ကောင်စီတပ်သည် မင်းဘူးနှင့် ငဖဲမြို့နယ်တို့တွင် တရုတ် ရေနံပိုက်လိုင်းကို အသုံးပြု၍ ပိုက်လိုင်းအတိုင်း အင်အားတိုးမှုများပြုလုပ်နေသည်ဟုလည်း ကာကွယ်ရေးတပ်များထံမှသိရသည်။တော်လှန်ရေးတပ်များက မြန်မာ-တရုတ်ရေနံပိုက်လိုင်း အနီးတွင် တိုက်ပွဲမဖော်ဆောင်သည့်အတွက် စစ်တပ်က ပိုက်လိုင်းအတိုင်း စစ်ကြောင်းရှေ့တိုးရန်ကြိုးစားနေခြင်းဖြစ်သည်။
(အမ်းမြို့သိမ်းတိုက်ပွဲ ဆင်နွှဲခဲ့သော AA တပ်ဖွဲ့ဝင်များ / ရခိုင်ပြည်နယ် စစ်ရေးအခြေအနေပြ အင်ဖိုဂရပ် / အမ်းနှင့် ပဒါန်းလမ်း အနီးဝန်းကျင်ကို Google Earth တွင်တွေ့ရမှု ။ ဓါတ်ပုံ-AA Info Desk)
