Sudanda vəba epidemiyası səbəbindən həyatını itirənlərin sayının 852-yə yüksəldiyi bildirilib.
Gununsesi.info xarici mediaya istinadən xəbər verir ki, Sudan Səhiyyə Nazirliyindən verilən açıqlamada ölkədə vəbaya yoluxanların ümumi sayının 29 min 147-yə çatdığı bildirilib .
Açıqlamada vəba epidemiyası səbəbindən həyatını itirənlərin sayının 852-yə yüksəldiyi qeyd edilib.
Sudanda iyun ayından bəri təsirli olan yağışlar və daşqınlar vəba xəstəliyinin yayılmasına səbəb olub.
Sudan hakimiyyəti avqustun 12-də vəba xəstəliyini epidemiya elan edib.
Birləşmiş Millətlər Təşkilatının Humanitar Məsələlər üzrə Koordinasiya Ofisi (OCHA) oktyabrın 1-də 3,4 milyon sudanlı uşağın epidemiya riski altında olduğunu bildirib.
Birləşmiş Millətlər Təşkilatının Uşaq Fondu (UNICEF) oktyabrın 5-də Sudana 1,4 milyon doza vəba peyvəndi göndərdiyini açıqlayıb.
Orxan Saffari
