ဧပြီ – ၆၊၂၀၂၆ ၊ ဆိုင်းမင်း/People’s Spring
ကချင်ပြည်နယ်၊ ဖားကန့်မြို့နယ်ထဲက ရှေ့တန်းစခန်းအချို့ ဆုံးရှုံးပြီးနောက် မြို့အဝင်အထွက်ကို စစ်ကောင်စီတပ်က ပိတ်ဆို့ထားတယ်လို့ မြို့ခံအချို့ဆီက သိရပါတယ်။
လက်ရှိ ဧပြီလ လဆန်းပိုင်းက ဖားကန့်မှာရှိတဲ့ စစ်ကောင်စီတပ် ရဲ့ရှေ့တန်းစခန်း ခြောက်ခုကို ကချင်လွတ်လပ်ရေးတပ်မတော်(KIA) ၊ ကချင်ပြည်သူ့ကာကွယ်ရေးတပ်ဖွဲ့(KPDF) တို့က သိမ်းယူခဲ့တာပါ။
အဲဒီနောက်ပိုင်းမှာ စစ်ကောင်စီတပ်က ဖားကန့်မြို့တွင်းက လမ်းအချို့နဲ့ မြို့အဝင်အထွက်ကို ပါ ပိတ်ထားလိုက်တာလို့မြို့ခံကအသိပေးပါတယ်။
Public Service Announcement
ဖားကန့် ကနေ လုံးခင်း ကိုသွားတဲ့လမ်းပိုင်းက လယ်ပြင်ယမ်းချက်ဂိတ်ကို မနေ့ ဧပြီလ ၅ ရက်နေ့ မနက်ပိုင်းကစတင်ပြီး စစ်ကောင်စီတပ်က ပိတ်လိုက်တာကြောင့် ခရီးသယ်ကားတွေ အပါအဝင် ကုန်တင်ကား အစီးရေ အများအပြား ပိတ်မိခဲ့ပါတယ်။
“ ဘယ်အချိန်ပြန်ဖွင့်မယ်ဆိုတာတော့ လောလောဆယ်မသ်ိရသေးပါဘူး ၊ကားတွေကတော့ အထက်အဆင်း အကုန်ပိတ်မိနေတယ် “ လို့ ဖားကန့်နယ်ခံ အမျိုးသားတစ်ဦးကပြောပါတယ်။
ဖားကန့်မြို့လယ်မရှီကထောင်ရပ်ကွက်နဲ့ မြို့မရပ်ကွက် ကိုဆက်သွယ်ထားတဲ့ တံတား အပါအဝင် မြို့တွင်းရှိ တံတားအချို့ကိုလည်း စစ်ကောင်စီတပ်က ဖြတ်သန်းခွင့်မပေးဘဲ ပိတ်ဆို့ထားတယ်လို့သိရပါတယ်။
