ဖေဖော်ဝါရီ-၂၀၊ ၂၀၂၆။ ဒလပန်း/People’s Spring
ပဲခူးတိုင်း၊သာယာဝတီခရိုင် ကြို့ပင်ကောက်မြို့နယ်က သိုက်တူကုန်းစစ်တပ်ဂိတ်စခန်းကို တော်လှန်ရေးတပ်တွေက တိုက်ခိုက်ခဲ့တယ်လို့ သိရပါတယ်။
မနေ့က(ဖေဖော်ဝါရီ ၁၉ ရက်) မနက် ၆ နာရီကျော်အချိန်မှာ တပ်ရင်း၃၈၀၁ တပ်ခွဲ(၅)နဲ့ ၃၈၀၂ တပ်ခွဲ(၆)တို့က သိုက်တူကုန်း စစ်တပ်ဂိတ်စခန်းကို တိိုက်ခိုက်ခဲ့တာဖြစ်ပါတယ်။ တိုက်ခိုက်မှုအတွင်း စစ်ကောင်စီတပ်ဖွဲ့ဝင် ၅ဦးသေဆုံးကာ ဒဏ်ရာရတဲ့သူတွေလည်း ရှိတယ်လို့ တပ်ရင်း ၃၈၀၁ တပ်ခွဲ(၅)ကြို့ပင်ကောက်Hero ပြောက်ကျားတပ်ဖွဲ့မှ တပ်ခွဲရေး တာဝန်ခံ ရဲဘော်ဆင်ရိုင်းက ပြောပါတယ်။
“ အဲ့စခန်းမှာ အင်အားကတော့ ၂၀ကျော်လောက်ရှိတယ်။ စစ်တပ်ဘက်က ၅ဦးသေဆုံးပြီး ဒဏ်ရာရတဲ့လူတွေလည်းရှိပါတယ်”လို့ သူက ဆိုပါတယ်။
Public Service Announcement
တိုက်ပွဲအတွင်း ပြည်သူ့ကာကွယ်ရေးတပ်တွေဘက်ကတော့ ထိခိုက်မှု မရှိခဲ့ပါဘူး။
အဲ့ဒီဂိတ်စခန်းဟာ လမ်းခရီးသွားလာတဲ့ ဒေသခံတွေကို စစ်ဆေးတာ၊ ငွေကြေးကောက်ခံတာတွေ ပြုလုပ်နေတဲ့ ဂိတ်စခန်းတစ်ခုဖြစ်တယ်လို့ ကာကွယ်ရေးတပ်ဖွဲ့တွေဆီက သိရပါတယ်။
