ဖေဖော်ဝါရီ ၁၊၂၀၂၆။ သုည/People’s Spring
ဂျပန်နိုင်ငံ၊ တိုကျိုနဲ့ အိုကီနာဝါမြို့မှာ ဂျပန်ရောက် မြန်မာတွေက စစ်တပ်အာဏာသိမ်းမှု (၅)နှစ်ပြည့် လှုပ်ရှားမှုအဖြစ် ဆန္ဒပြခဲ့ကြပါတယ်။
“ ကမ္ဘာကြီးကို ကျွန်မ ရှင်းရှင်းလင်းလင်း ပြောလိုတာ တစ်ခုရှိပါတယ်။ မြန်မာ့အရေးကို ‘ပြည်တွင်းပဋိပက္ခ’ လို့ ခေါင်းစဉ်တပ်နေကြတာဟာ အမှားကြီးတခုပါ။ ဒါဟာ နှစ်ဖက်အုပ်စုကြားက ရန်ပွဲမဟုတ်ဘဲ တမျိုးသားလုံးက စစ်အာဏာရှင်စနစ်ကို အမြစ်ပြတ် တော်လှန်နေတဲ့ ‘နွေဦးတော်လှန်ရေး’ ဖြစ်ပါတယ်။ ကျွန်မတို့ဟာ မြန်မာပြည်အတွင်းမှာပဲဖြစ်ဖြစ်၊ ကမ္ဘာ့ဘယ်နေရာမှာပဲ ရောက်နေပါစေ၊ စစ်အာဏာရှင်စနစ်ကို လုံးဝလက်မခံဘူးဆိုတဲ့ ဆန္ဒသဘောထားကို တညီတညွတ်တည်း ဖော်ပြနေကြတာ ဖြစ်ပါတယ်။ ရေဘဝဲအဖွဲ့သားတွေဟာ ဘယ်လိုဖိအားတွေပဲ ရှိရှိ၊ ရေဘဝဲအလံတော်ကို လက်ဆင့်ကမ်း လွှင့်ထူရင်း အောင်ပွဲရတဲ့အထိ ဆက်လက်တိုက်ပွဲဝင်သွားမှာဖြစ်ကြောင်း အိုကီနာဝါမြေကနေ ကမ္ဘာကြီးကို ကတိသစ္စာပြုအပ်ပါတယ်” လို့ အဲဒီဆန္ဒပြရာမှာ ဦးဆောင်တဲ့ ရေဘဝဲအဖွဲ့ဝင်က ဆိုပါတယ်။
တိုကျိုမြို့မှာလည်း ဂျပန်ရောက်မြန်မာတွေက စစ်တပ်အာဏာသိမ်းယူခဲ့တာ (၅)နှစ်ပြည့်အဖြစ် ဆန္ဒဖော်ထုတ်ပွဲ ကျင်းပခဲ့ပါတယ်။
Public Service Announcement
ဂျပန်ရောက်မြန်မာတွေက Tokyo၊ Kobe၊ Osaka၊ Nagoya၊ Nagano၊ Okinawa၊ Hokkaido၊ Fukuoka၊ Hiroshima စတဲ့မြို့ (၉) မြို့မှာ ဆန္ဒဖော်ထုတ်ခဲ့တာ ဖြစ်ပါတယ်။
တိုကျိုမြို့က Gotanda Minami ပန်းခြံမှာ လူစုကာ စစ်ကောင်စီသံရုံးအနီးတဝိုက်ကို လှည့်လည်ချီတက်ကာ ကြွေးကြော်သံတွေနဲ့ ကြွေးကြော်ခဲ့ကြပါတယ်။
ဒါ့အပြင် စစ်ကောင်စီမြန်မာသံရုံးရှေ့မှာလည်း ” ဖမ်းဆီးထားသောခေါင်းဆောင်များ (ချက်ချင်းလွှတ်)2” ၊ ” ဖက်ဆစ်စစ်တပ် အမြစ်ဖြတ်” ၊ ” စစ်အာဏာရှင်စနစ် (ကျရှုံးပါစေ)2” စသဖြင့် ကြွေးကြော်ကာ ဆန္ဒဖော်ထုတ်ခဲ့ကြပါတယ်။
တိုကျိုမြိုအနီးတဝိုက် Kanagawa၊ Saitama၊ Chiba စတဲ့ ခရိုင်တွေက မြန်မာတွေလည်း လာရောက်ပူးပေါင်းခဲ့ကြပြီး ပြည်တွင်းမှပြည်သူများကိုယ်စား အသံကျယ်ကျယ်လောင်လောင်နဲ့ ” နွေဦးတော်လှန်ရေး အရေးတော်ပုံအောင်ရမည်” ကို သစ္စာပြုခဲ့ကြပါတယ်။
ဓာတ်ပုံ – ပေးပို့
