ကောက်ပွဲဆန့်ကျင်ရေး လှုပ်ရှားမှုတွေပြုလုပ်
ဒီဇင်ဘာ-၂၆၊၂၀၂၅။သုည/People’s Spring
ရန်ကုန်၊ ကရင်၊ တနင်္သာရီနဲ့ စစ်ကိုင်းတိုင်းအတွင်းက သပိတ်အဖွဲ့တွေ၊ ဒေသခံပြည်သူတွေဟာ စစ်တပ်ရွေးကောက်ပွဲဆန့်ကျင်ရေး ဆန္ဒပြသပိတ်လှုပ်ရှားမှုတွေကိုဒီကနေ့ (ဒီဇင်ဘာ ၂၆)မှာ ပြုလုပ်ခဲ့ပါတယ်။
ရန်ကုန်မြို့လယ်ဒဂုံမြို့နယ်မှာရေဘဝဲ(ပြည်သူ့အကျိုးပြု လူငယ်အဖွဲ့အစည်း)က “ NO VOTE” စာတန်းကိုင်ဆောင်ကာအတုအယောင် ရွေးကောက်ပွဲ မဲမပေးရေးနဲ့ စစ်အာဏာရှင်ဆန့်ကျင်ရေး လှုပ်ရှားမှု ပြုလုပ်ခဲ့တယ်။
Public Service Announcement
ကရင်ပြည်နယ်လွတ်မြောက်နယ်မြေတနေရာမှာ ကရင်အမျိုးသားအစည်းအရုံး(KNU)၊မြိတ်-ထားဝယ်ခရိုင် ကရင်အမျိုးသားလွတ်မြောက်ရေးတပ်မတော်(KNLA) ၊ တပ်မဟာ(၄)နယ်မြေက ကရင်လူငယ်တွေ စုပေါင်းပြီး စစ်ကောင်စီကျင်းပမယ့် ရွေးကောက်ပွဲ ဆန့်ကျင်ကြောင်း ဆန္ဒထုတ်ဖော်မှုတွေ ပြုလုပ်ခဲ့ပါတယ်။
တနင်္သါရီတိုင်း မြိတ် – ထားဝယ်ခရိုင်မှာလည်း စစ်တပ်ရဲ့ ရွေးကောက်ပွဲကို ဆန့်ကျင်ကန့်ကွက်ကြောင်း ကရင်အမျိုးသားအစည်းအရုံး မြိတ် – ထားဝယ်ခရိုင်၊ KNU တပ်မဟာ (၄) ၊ ကစယ်ဒိုမြို့နယ်အတွင်းကဘကရင်လူငယ်တွေ အပါအဝင် ဒေသခံတွေက ဆန္ဒထုတ်ဖော်ခဲ့ကြပါတယ်။
စစ်ကိုင်းတိုင်း ရွှေဘိုမြို့နယ်မှာလည်း တော်လှန်ပြည်သူတွေက စစ်ကောင်စီရွေးကောက်ပွဲကို လက်မခံ ဆန့်ကျင်ကြောင်း လက်ဗွေနှိပ်ဆန္ဒထုတ်ဖော်ခဲ့ကြပါတယ်။
ပြည်သူ့သဘောထား အစစ်အမှန်တွေဖြစ်ကြောင်း သိသာမြင်သာအောင်အတွက် ပြည်သူတစ်ဦးချင်းစီက လက်ဗွေနှိပ်ပီး ဆန္ဒထုတ်ဖော်ပြသကြခြင်း ဖြစ်ကြောင်း ရွှေဘိုလူထုသပိတ်က ဆိုပါတယ်။
