ဒီဇင်ဘာ-၂၄၊၂၀၂၅၊ရှိန်း/ People’s Spring
စစ်ကိုင်းတိုင်း၊ဝက်လက်မြို့နယ်အရှေ့ခြမ်းက ငါးပတ်ချောင်းကျေးရွာကို စစ်တပ်က လေကြောင်းတိုက်ခိုက်ခဲ့ရာ စစ်ဘေးရှောင်ကလေးငယ်တွေအပါအဝင် ၇ဦး သေဆုံးခဲ့တယ်လို့ ဒေသခံတွေက ပြောပါတယ်။
ဒီဇင်ဘာ ၂၃ရက် မနေ့က ညနေ၄နာရီခွဲခန့်မှာ လေကြောင်းတိုက်ခိုက်ခဲ့တာလို့ သိရပါတယ်။
လေကြောင်းတိုက်ခိုက်ခံရမှုမှာ (၈၀)အရွယ်၊ ဒေါ်သန်းမြ၊ (၇၅)နှစ်အရွယ် ဒေါ်ကျင်၊(၂၅)နှစ်အရွယ် ကိုမင်းသန့်တို့ ပွဲချင်းပြီး သေဆုံးခဲ့ပြီး (၃၅)နှစ်အရွယ် ဒေါ်မာသွယ်နဲ့ (၇)နှစ်အရွယ်သမီးငယ်၊ဒေါ်မာသွယ်၏မိခင် အသက်(၈၀)ကျော်အရွယ် ဒေါ်ခင်တင့်၊အသက်(၁၄)နှစ်အရွယ် စစ်ဘေး ရှောင်ကလေးငယ်တဦးတို့ထပ်တိုး သေဆုံးခဲ့တာလို့ ဒေသခံတွေက ပြောပါတယ်။
Public Service Announcement
ဝက်လက်မြို့နယ်အရှေ့ခြမ်းက ငါးပတ်ချောင်းကျေးရွာကို စစ်တပ်က လေကြောင်းတိုက်ခိုက်အပြီး တွေ့ရစဉ်။ ဓာတ်ပုံ – CJ 
ဝက်လက်မြို့နယ်အရှေ့ခြမ်းက ငါးပတ်ချောင်းကျေးရွာကို စစ်တပ်က လေကြောင်းတိုက်ခိုက်အပြီး တွေ့ရစဉ်။ ဓာတ်ပုံ – CJ 
ဝက်လက်မြို့နယ်အရှေ့ခြမ်းက ငါးပတ်ချောင်းကျေးရွာကို စစ်တပ်က လေကြောင်းတိုက်ခိုက်အပြီး တွေ့ရစဉ်။ ဓာတ်ပုံ – CJ 
ဝက်လက်မြို့နယ်အရှေ့ခြမ်းက ငါးပတ်ချောင်းကျေးရွာကို စစ်တပ်က လေကြောင်းတိုက်ခိုက်အပြီး တွေ့ရစဉ်။ ဓာတ်ပုံ – CJ 
ဝက်လက်မြို့နယ်အရှေ့ခြမ်းက ငါးပတ်ချောင်းကျေးရွာကို စစ်တပ်က လေကြောင်းတိုက်ခိုက်အပြီး တွေ့ရစဉ်။ ဓာတ်ပုံ – CJ
“ ဒေသခံ တွေလည်းပါတယ်။မတ္တရာမြို့နယ်က နေ စစ်ဘေး လာရှောင် နေတဲ့ ပြည်သူ တွေလည်း သေတဲ့အထဲပါတယ်လို့ သိရတယ်” လို့ ဒေသခံတဦးက ပြောပါတယ်။
ငါးပတ်ချောင်းကျေးရွာဟာ ဧရာဝတီမြစ်ကမ်းအနီးမှာရှိပြီး စစ်ကောင်စီတပ်က စစ်ဘေးရှောင်ပြည်သူ တွေသွားလာနေတဲ့ ဆိပ်ကမ်းတွေကို ဆက်တိုက်ဗုံးကြဲတိုက်ခိုက်နေတယ်လို့ ဒေသခံတွေက ပြောပါတယ်။
ယခု ဒီဇင်ဘာအတွင်း စစ်ကောင်စီက ဝက်လက်မြို့နယ်အတွင်း လေကြောင်းတိုက်ခံရမှုမှာ ပြည်သူ ၂၀ ခန့်သေဆုံးခဲ့ပြီး ဒဏ်ရာရသူ အများအပြားရှိခဲ့ပါတယ်။
