သြဂုတ် ၁၉၊၂၀၂၅။ သုည/People’s Spring
ရှုံးပွဲမရှိဘဲဗိုလ်လုပွဲတက်ရောက်ခဲ့သောမြန်မာအမျိုးသမီးဘောလုံးအသင်းသည် အာဏာသိမ်းခေါင်းဆောင်က ချန်ပီယံဆုရယူပေးရန် မှားကြားအပြီးနောက် ဗိုလ်လုပွဲတွင်သြစတြေးလျ အသက် ၂၃ နှစ်အောက်လက်ရွေးစဥ် အသင်းကို ရှုံးနိမ့်ကာ ချန်ပီယံဆုနှင့် လွဲချော်ခဲ့သည်။
၂၀၂၅ အာဆီယံအမျိုးသမီးချန်ပီယံရှစ်ပြိုင်ပွဲ ဗိုလ်လုပွဲ ကိုယနေ့ညပိုင်းက ဗီယက်နမ်နိုင်ငံတွင် ယှဉ်ပြိုင်သည့် ဗိုလ်လုပွဲဲတွင် မြန်မာအမျိုးသမီးအသင်းသည် ဩစတြေးလျ ယူ-၂၃ အသင်းကို တစ်ဂိုး-ဂိုးမရှိဖြင့် ရှုံးနိမ့်ခဲ့သည်။
ဗိုလ်လုပွဲတက်ရောက်သည့် မြန်မာအမျိုးသမီးအသင်းကို စစ်ကောင်စီက ဆုကြေးငွေ အမေရိကန်ဒေါ်လာ သုံးသောင်း ချီးမြှင့်ပြီး ဗိုလ်လုပွဲစဉ်တွင် နိုင်ပွဲအတွက် ရေကုန်ရေခန်း အစွမ်းကုန်ကြိုးစားယှဉ်ပြိုင်ပြီး နိုင်ငံ့ဂုဏ်ဆောင်ကြရန် အာဏာသိမ်းစစ်ခေါင်းဆောင်က မှားကြားခဲ့ကြောင်း သြဂုတ် ၁၈ ရက်ထုတ် စစ်ကောင်စီ ထိန်းချုပ်ထားသောသတင်းစာများတွင်ဖော်ပြခဲ့ခြင်း ဖြစ်သည်။
Public Service Announcement
ဗိုလ်လုပွဲတွင် အုပ်စုပွဲ၌ ၂ ဂိုး ၁ ဂိုးဖြင့် နိုင်ခဲ့သောဩစတြေးလျယူ-၂၃ အမျိုးသမီးအသင်းကို မြန်မာ့လက်ရွေးစင်အမျိုးသမီးအသင်းမှာ မယှဉ်နိုင်ဘဲ ရှုံးနိမ့်ခဲ့သည်။
“မအလ ဝင်ပါကထဲက စိတ်ထဲမှာ အားမပေးချင်တော့တာပါ။သူ့ဘာသာသူ ကောင်းနေတဲ့ မြန်မာအမျိုးသမီးအသင်းကို မအလက နာမ်နှိမ်လိုက်တာပဲ။ မအလ လက်ထက်မှာ အရာရာရှုံးနိမ့်နေတော့မြန်မာအသင်းပါကံနိမ့်ပြီး ရှုံးရတာပါ။တကယ်က ကလေးတွေသူ့ဘာသာသူဆိုနိုင်ရင်နိုင်သွားဦးမယ်။ မအလကြောင့် ဒီလိုဖြစ်ရတာပါ”ဟု မြန်မာဘောလုံးပရိသတ်တစ်ဦးက လူမှုကွန်ယက်၌ ရေးသားပြစ်တင်ခဲ့သည်။
မြန်မာ့လက်ရွေးစင်အမျိုးသမီးအသင်းသည် အာဆီယံအမျိုးသမီးချန်ပီယံရှစ်ပြိုင်ပွဲတွင် ရှုံးပွဲမရှိဘဲ အုပ်စုဗိုလ်ဖြင့် အကြိုဗိုလ်လုပွဲ တက်ရောက်ခဲ့ပြီးအကြိုဗိုလ်လုပွဲတွင် မဟာပြိုင်ဘက် ထိုင်းကို အနိုင်ရကာဗိုလ်လုပွဲသို့ တက်ရောက်ခဲ့ခြင်း ဖြစ်သည်။
သို့သော်ဗိုလ်လုပွဲ တွင် အနိုင်ကန်ပြီး ချန်ပီယံဆုယူရန် အာဏာသိမ်းခေါင်းဆောင် ပြောပြီးနောက် ပြိုင်ပွဲ၏ပထမဆုံးရှုံးပွဲကြုံတွေ့ခဲ့ရခြင်းလည်း ဖြစ်သည်။ဘောလုံးပိုင်ဆိုင်မှု ၊ဘောလုံးပေးပို့မှုတိကျမှု၊ဒေါင့်ကန်ဘောရရှိမှု ၊ဂိုးပေါက်ကန်သွင်းမှု ၊ဂိုးပေါက်တည့်မှု စသည့်တို့တွင် သြစတြေးလျ လူငယ်အသင်းက အဘက်ဘက်အသာစီးရကာ နိုင်ပွဲရရှိသွားခဲ့ခြင်းဖြစ်သည်။
