အမှတ်(၁)စစ်ဒေသ ကွပ်ကဲမှုနဲ့ PDF နဲ့ မဟာမိတ်တပ်တွေ ထိုးစစ်ဆင်နေတဲ့စစ်ကိုင်းတိုင်း ပင်လည်ဘူးမြို့က စစ်တပ်စခန်းတွေကို ဒီကနေ့မနက်ပိုင်းမှာ အပြီးသတ်သိမ်းပိုက်လိုက်ပြီး ပင်လည်ဘူးမြို့ကို သိမ်းပိုက်နိုင်ပြီလို့ စစ်ရေးသတင်းရင်းမြစ်အချို့က ပြောပါတယ်။
သြဂုတ်လလယ်ပိုင်းကစပြီး ပင်လည်ဘူး ၊အင်းတော်၊ထီးချိုင့် မြို့တွေကို PDF နဲ့ မဟာမိတ်တပ်တွေက သြဂုလလယ်ပိုင်းကစပြီးတပြိုင်နက် ထိုးစစ်ဆင်ခဲ့တာပါ ။ စစ်ကောင်စီတပ်ကစခန်းတွေ ကျခါနီးတိုင်းစစ်ကူတွေကို လေကြောင်းကနေ အကြိမ်ကြိမ်ပို့ ခုခံတာကြောင့် နှစ်လနီးပါးကြာ ထိုးစစ်ဆင်တိုက်ခိုက်ခဲ့ရတာဖြစ်ပါတယ်။ အောက်တိုဘာ ၈ ရက်မနက်အစောပိုင်းမှာ ပင်လည်ဘူးမြို့ကို အပြီးသတ်သိမ်းပိုက်နိုင်ခဲ့တာလို့ စစ်ရေးသတင်းရင်းမြစ် ၂ ဦးကအတည်ပြုပါတယ်။
ပင်လည်ဘူးမြို့သိမ်းတိုက်ပွဲနဲ့ပတ်သက်ပြီး အမျိုးသားညီညွတ်ရေးအစိုးရ၊ကာကွယ်ရေဝန်ကြီးဌာန(MOD)ထံဆက်သွယ် မေးမြန်းရာ တရားဝင်သတင်းထုတ်ပြန်ပါလိမ့်မယ်လို့သာဖြေကြားပါတယ် ။
NUG ၊ကာကွယ်ရေးဝန်ကြီးဌာန ၊အမှတ် ၁ စစ်ဒေသကွပ်ကဲမှုနဲ့ ပင်လည်ဘူး၊အင်းတော် ၊ထီးချိုင့်မြို့သိမ်းတိုက်ပွဲတွေမှာ PDFတပ်ဖွဲ့ဝင်ထောင်ချီ ပါဝင်တိုက်ခိုက်နေကြတာလို့ NUG ကာကွယ်ရေးဝန်ကြီးဌာနကထုတ်ပြန်ထားပါတယ် ။
Public Service Announcement
