Donald Trampın Amerika Birləşmiş Ştatları (ABŞ) prezidenti seçilməsindən sonra avropalılar və kanadalıların ABŞ-yə səfərində azalma müşahidə olunub.
Gununsesi.info “Financial Times”a istinadən xəbər verir ki, 2024-cü ilin mart ayında Qərbi Avropadan olan turistlərin sayı 2023-cü ilin eyni dövrü ilə müqayisədə 17% azalıb.
Bundan əlavə Kanadadan ABŞ-yə səfərlər də azalıb. Analitiklər bu il Kanadadan gələn turistlərin sayının 20% azalacağını və bunun ABŞ-yə 3,4 milyard dollar ziyan vuracağını proqnozlaşdırıblar.
Ağ Ev isə bildirilib ki, Trampın planları həyata keçirildikdən sonra turizm sahəsi bərpa olunacaq.
Qeyd edək ki, mart ayında ABŞ-yə turist məqsədilə ziyarət edən xarici vətəndaşların sayı 12% azalıb. Bu, 2021-ci ildən bəri ən kəskin enişdir. O vaxt turizm pandemiya səbəbindən tətbiq olunan məhdudiyyətlərdən sonra çətinliklərlə üzləşmişdi.
