Qazaxıstanda AZAL-a məxsus təyyarənin qəzaya uğraması hökuməti hərəkətə gətirib.
Gununsesi.info xəbər verir ki, baş vermiş hadisəni yerində araşdırmaq məqsədilə Azərbaycan Respublikasının Prezidenti İlham Əliyevin tapşırığı ilə rəqəmsal inkişaf və nəqliyyat naziri, fövqəladə hallar naziri, baş prokurorun müavini, səhiyyə nazirinin müavini, Dövlət Mülki Aviasiya Agentliyinin direktorunun müavini, AZAL-ın vitse-prezidenti və digər aidiyyəti dövlət orqanlarının nümayəndələri Qazaxıstanın Aktau şəhərinə yola düşüblər.
Siyahıda səhiyyə naziri Teymur Musayevin olmaması diqqətə səbəb olub.
İki gün əvvəl hüquq-mühafizə orqanlarının Səhiyyə Nazirliyində keçirdiyi antikorrupsiya əməliyyatı zamanı çoxsaylı vəzifəli şəxslər həbs edilib.
Teymur Musayevin Qazaxıstana yola salınan heyətə daxil edilməməsi isə onun durumunun ağır olmasının ifadəsi sayılmalıdır.
Böyük ehtimalla həbs edilən şəxslər onun əleyhinə ifadə verib.
