Birləşmiş Millətlər Təşkilatının Fələstin Agentliyi (UNRWA) iyulun 22-dən etibarən Qəzza zolağının 83 faizində İsrail rəhbərliyi tərəfindən təxliyə əmri verildiyini açıqlayıb.
Gununsesi.info xarici mediaya istinadən xəbər verir ki, açıqlamada, İsrail ordusunun təxliyə əmri verildiyi əraziləri məhdud ərazilər elan etdiyi bildirilib.
UNRWA-nın verdiyi açıqlamada, “OCHA-nın məlumatına görə, 22 iyul tarixinə Qəzza zolağının təxminən 83 faizi İsrail ordusu tərəfindən evakuasiya əmri və ya “məhdud ərazi” olaraq təyin edilib.
Qəzzaya humanitar yardımın ləng və lazımi səviyyədə çatdırılmaması əhali arasında ümidsizlik yaradır və qanunsuzluğa yol açır: “Yardım işçilərinin təhlükəsizliyinə təhdidlər, o cümlədən yük maşınlarının sürücülərinə və paylama mərkəzlərinə hücumlar, qarətlər və kortəbii yol maneələrinin pozulması normaya çevrilir”.
CƏMİ 16 XƏSTƏXANA VƏ 45 SƏHİYYƏ MƏRKƏZİ VAR
UNRWA-nın hesabatında Ümumdünya Səhiyyə Təşkilatının (ÜST) hesabatı da yer alıb.
ÜST-nin məlumatına görə, Qəzza zolağında 36 xəstəxanadan yalnız 16-sı qismən xidmət göstərə bilər və 105 səhiyyə mərkəzindən yalnız 45-i xidmət göstərə bilər.
Hesabatda deyilir: “UNRWA səhiyyə sektorunda mühüm aktor olaraq qalır və Qəzza zolağı boyunca 10 səhiyyə mərkəzində və 100-ə yaxın tibb məntəqəsində səhiyyə xidmətləri göstərir. İyulun 22-nə olan məlumata görə, 7 oktyabrdan bəri öldürülən UNRWA əməkdaşlarının ümumi sayı 197 nəfər olub. BMT-nin məlumatına görə, Qəzza zolağında təxminən 1,9 milyon insan (və ya hər on nəfərdən doqquzu) məcburi köçkündür”.
Şəbnəm
Gununsesi.info
