ICQ messenger iyunun 26-da fəaliyyətini dayandıracaq.
Gununsesi.info xəbər verir ki, bu barədə 2021-ci ildən xidmətin sonuncu sahibi olan VK-nın mətbuat xidməti məlumat yayıb.
ICQ əvəzinə VK istifadəçilər və korporativ xidmətlər üçün “VK Messenger”in inkişafına diqqət yetirəcək. ICQ əməkdaşları bu iki xidməti inkişaf etdirməyə davam edəcəklər.
Rusiya prezidentinin mətbuat katibi Dmitri Peskov ICQ-nin bağlanması ilə bağlı xəbərlər əsnasında bildirib ki, ICQ-nin azalması “rəqiblərdən geri qalma” ilə bağlıdır, lakin Kremlin bu messencerdən istifadə etdiyi vaxtlar olub.
Məmur özü ICQ-nu 2018-ci ilin aprelində Telegram bloklananda quraşdırıb. Elə həmin il Peskov jurnalistləri ICQ vasitəsilə konfrans zənginə dəvət etmək istəyirdi.
2020-ci ilin aprelində, Mail.ru Group (keçmiş VK) tərəfindən ICQ-nun alınmasından 10 il sonra, messencerin ən son yeniləməsi buraxılıb.
Növbəti il ICQ-nun populyarlığı Honq-Konqda kəskin şəkildə artıb.
1996-cı ildə yaradılmış ICQ 2000-ci illərdə Rusiya Federasiyasında ən populyar rabitə vasitələrindən biri olmuşdur.
Messencerin yaradıcısı İsrailin Mirabilis şirkəti olub.
Günay
Gununsesi.info
