“Azərbaycanda bütün məhkumların səsvermə hüquqi tanınır”.
Gununsesi.info xəbər verir ki, bunu ədliyyə nazirinin müavini Abiddin Hüseynov MSK-da keçirilən müşavirədə deyib.
Nazir müavini bildirib ki, Azərbaycan yeni milli dövlətçilik ənənələrinin formalaşmasında bir sıra addımlar atıb:
“Artıq seçkilərə 2 aydan az vaxt qalıb. Qarşımızda mühüm vəzifələr durur. Ədliyyə Nazirliyi seçicilərin siyahısının dəqiqləşdirilməsi prosesində iştirak edir. Əhalinin reyestrində olan məlumatlar MSK-nın İnformasiya Mərkəzinə də inteqrasiya olur. Bu da ölən şəxslərin seçici siyahılarından çıxarılması sahəsində problemlərin qarşısını alır. Əvvəllər bu kimi hallardan süni istifadə etmək istəyənlər olurdu”.
Gununsesi.info
