Birləşmiş Millətlər Təşkilatı ABŞ-dən maliyyənin dayandırılması səbəbindən cəbhəyanı bölgələrdən təxliyə edilən ukraynalılara humanitar yardımı azaldıb.
Gununsesi.info xəbər verir ki, bu barədə BMT-nin Qaçqınlar üzrə Agentliyinin Ukrayna üzrə nümayəndəsi Karolin Lindholm Billinq bildirib.
O xatırladıb ki, yanvarın 20-də ABŞ Prezidenti Donald Tramp xarici yardımın 90 gün müddətinə dayandırılması haqqında sərəncam imzalayıb. Yanvarın 24-də isə ABŞ dövlət katibi Marko Rubio ərzaq təchizatına icazə verib, lakin BMT proqramlarının maliyyələşdirilməsini bərpa etməyib.
Billinq bildirib ki, hazırda psixososial dəstək proqramları, müvəqqəti mənzil dəstəyi və nağd ödənişlər dayandırılıb.
