İsrailin daxili kəşfiyyat agentliyi Şin Bet (Şabak), agentliyin 2023-cü il oktyabrın 7-də “Əqsa tufanı” hücumu ilə bağlı araşdırmasının “uğursuz” olduğunu etiraf edib.
Gununsesi.info xarici mediaya istinadən xəbər verir ki, İsrail Baş Nazirliyi öz qiymətləndirməsində Şin Betin Şabak təşkilatının və onun liderinin böyük uğursuzluğuna və səhlənkarlığına cavab verə bilmədiyi bildirib.
İstintaq, Şin Betin 7 oktyabr “Əqsa tufanı” hücumu ilə bağlı xəbərdarlıq etmədiyi qənaətinə gəlib və əlavə edib ki, “təşkilati uğursuzluqlar hərtərəfli araşdırılıb, dərslər çıxarılıb və öyrənilməyə davam edir”.
“The Times of Israel” yazır ki, araşdırma Şin Betin 7 oktyabr hücumunda uğursuzluğunun daxili və xarici səbəbləri olduğunu üzə çıxarıb.
Buna uyğun olaraq, İsrail ordusu ilə məsuliyyətlərin qeyri-müəyyən bölüşdürülməsi, hökumətin bu illər ərzində Qəzzada yürütdüyü siyasətlər və qurumun strukturunun “Həmas kimi orduya bənzər düşmənlə qarşılaşmağa uyğun olmaması” kimi xarici amillər bu uğursuzluqda təsirli olub.
Araşdırma zamanı məlum olub ki, İsrailin daxili kəşfiyyat idarəsinin diqqət mərkəzində terror hücumlarının qarşısını almaq olub və bu cür hücumlara qarşı qurumun metodlarının tətbiqi mümkün deyil.
İsrailin “Yerixo Divarı” adlandırdığı və 7 Oktyabr üçün əhatəli hücum planı olduğu iddia edilən sənədin bir neçə il əvvəldən əldə edilməsinə baxmayaraq düzgün işlənmədiyi, iddia edilən hücum planının ordu və Şin-Bet tərəfindən əvvəlcədən hazırlanacaq bir ssenariyə çevrilmədiyi vurğulandı.
Orxan
