မတ်-၁၆၊ ၂၀၂၆။ မိုမို/Peoples Spring
ရန်ကုန် -မန္တလေးလမ်းဟောင်းကနေ နေပြည်တော်ကိုသွားတဲ့ စစ်ယာဥ်တန်းကို မိုင်းဆွဲတိုက်ခိုက်ရာ ထိခိုက်သေဆုံးသူတွေရှိတယ်လို့ ပြည်သူ့ကာကွယ်ရေးတပ်ဖွဲ့ -ပုဏ္ဏဝတီ (တောင်တွင်းကြီး) တာဝန်ရှိသူက ပြောပါတယ်။
မနေ့က(မတ်လ ၁၅ ရက်) နေလယ်ပိုင်းမှာ အမြန်လမ်းဟောင်း ကိုးပင်-အောင်လံဘက်ကနေ နေပြည်တော်ကို ဦးတည်သွားတဲ့ စစ်ယာဥ်တန်းကို တောင်တွင်းကြီးမြို့နယ် ဆတ်သွားကျေးရွာနဲ့ ကိုးပင်ကျေးရွာကြားမှာ တိုက်ခိုက်ခဲ့တာလို့ ဆိုပါတယ်။
တိုက်ခိုက်မှုကြောင့်မိုင်းထိတဲ့ယာဥ်ပျက်စီးခဲ့ပြီး ယာဥ်ပေါ်ပါတဲ့ စစ်ကောင်စီတပ်သားတွေလည်း ထိခိုက်သေဆုံးတာတွေ ရှိတယ်လို့ ဆိုပါတယ်။
Public Service Announcement
ဒါပေမယ့် စစ်ကောင်စီတပ်သားတွေရဲ့ထိခိုက်သေဆုံးမှု အခြေအနေအသေးစိတ်ကို ထပ်မံစုံစမ်း ဆဲလို့ အထက်ပါတာဝန်ရှိသူက ပြောပါတယ်။
အခုနှစ် ဇန်နဝါရီအတွင်းမှာလည်း တောင်တွင်းကြီးမြို့နယ်က အမှတ်(၁၈)ကာကွယ်ရေးပစ္စည်းစက်ရုံ (ကပစ-၁၈)ရဲ့ ဗိုလ်ကြီးနဲ့ စစ်ကောင်စီတပ်သားတွေပါတဲ့ကားကို ကြားဖြတ်တိိုက်ခိုက်ခံရဖူးပါတယ်။
ဒါအပြင် နေပြည်တော် -တောင်တွင်းကြီးရထားလမ်းပိုင်းအနီးမှာလည်း စစ်တပ်စစ်ကြောင်းကိုတိုက်ခိုက်မှုမှာ လေးဦးသေပြီး လက်နက်တွေရတယ်လို့ ပြည်သူ့ကာကွယ်ရေးတပ်ဖွဲ့-ပုဏ္ဏဝတီ(တောင်တွင်းကြီး)က ဇန်နဝါရီ ၁၆ ရက်က ထုတ်ပြန်ထားပါတယ်။
အဲဒီတိုက်ခိုက်မှုတွေကြောင့် စစ်တပ်က တောင်တွင်းကြီး မြို့နယ်အရှေ့ခြမ်းကို အခုရက်ပိုင်းထဲမှာ စစ်ကြောင်းထိုးနေတယ်လို့ သိရပါတယ်။
အမြန်လမ်းဟောင်းမှာ နေပြည်တော်သွားတဲ့ စစ်ယာဉ်တန်းကို တော်လှန်ရေးတပ်တိုက်ခိုက် မတ်-၁၆၊ ၂၀၂၆။ မိုမို/Peoples…
Posted by People's Spring on Sunday 15 March 2026
ရုပ်သံ – ပေးပို့
