Birinci Qarabağ müharibəsində itkin düşən Elşad Qayımovun 30 il sonra tapılmış qalıqları bu gün dəfn olunub
Gununsesi.info-nun verdiyi xəbərə görə Xaçmazda öz yurdunda torpağa tapşırılıb.
Mərasimə şəhidin ailə üzvləri ilə yanaşı, rayon ictimaiyyətinin nümayəndələri, qazilər və kənd sakinləri gəliblər.
Xatırladaq ki, Qayımov Elşad Şirin oğlu 8 yanvar 1974-cü ildə Xaçmaz rayonunda Hacıqurbanoba kəndində dünyaya göz açıb. Hərbi xidmətə 1992-ci ildə yollanıb. Birinci Qarabağ müharibəsi zamanı Füzuli rayonunun yaşayış məntəqələri uğrunda aparılan döyüşlərdə qəhrəmancasına vuruşub.
1994-cü ildə Elşadın valideynlərinə yaralandığı barədə xəbər verilsədə, xəstəxanaları belə axtarmalarına baxmayaraq ondan heç bir məlumat əldə edə bilməyiblər. Şəhid olması sonrakı vaxtlarda müəyyənləşsə də, dəfn olunduğu yer məlum olmamışdır.
