Yaralıların müalicə olunduğu xəstəxanadan reportaj hazırlayan BBC müxbiri göz yaşlarını saxlaya bilməyib ağlayıb.
Gununsesi.info xəbər verir ki, bu barədə “Haberglobal” məlumat yayıb.
Müxbir Adnan El-Bursh Qəzzada yaralıların və həyatını itirənlərin aparıldığı Şifa Xəstəxanası haqqında reportaj hazırlayarkən göz yaşlarına boğulub.
Bir anda diz çökən El-Burş cəsədlər arasında dostlarını və qonşularını gördüyünü deyib.
Yaşadıqlarının çox travmatik olduğunu vurğulayan El-Burş, “Cəsədlər hər yerdədir. Həyatımda heç vaxt unuda bilməyəcəyim şeylər gördüm. Gördüklərimi heç vaxt unutmayacam”- deyə, çıxışını sonlandırıb.
Gununsesi.info
