Göyçayda bu gün güclü külək bir sıra fəsadlar törədib.
Gununsesi.info xəbər verir ki, şəhərin Nizami küçəsində güclü külək yaşayış binasının dam örtüyünü uçurub. Hadisə nəticəsində xəsarət alan olmasa da, minik maşını dam örtüyünün altında qalıb.
Bundan əlavə, rayon ərazisində şiddətli külək digər yaşayış binalarının və fərdi evlərin dam örtüyünü uçuraraq yararsız hala salıb.
Şəhərdə və kəndlərdə ağacların budaqları qırılaraq elektrik naqillərinin üzərinə düşüb. Nəticədə rayonun bəzi yerlərinə elektrik enerjisinin verilməsi dayandırılıb.
Gununsesi.info
