Xəbər verdiyimiz kimi, DİN-nin Baş Mütəşəkkil Cinayətkarlıqla Mübarizə İdarəsi “AQA Şirkətlər Qrupu”nun təsisçisi, tanınmış iş adamı Aydın Dəmirçinin oğlu Qafar Dəmirçini həbs edib.
Məlumata görə, şirkətin vitse-prezidenti Q.Dəmirçi ağacları kəsərək təbiətə külli miqdarda ziyan vurmaqda ittiham edilir. İddiaya görə, iş adamı təbiətə 8 milyon manatlıq zərər vurub.
Gununsesi.info-nun əməkdaşı iş adamı Aydın Dəmirçinin özü ilə əlaqə saxlayaraq, oğlunun həbsinə münasibət öyrənmək istəyib.
Əməkdaşımızla telefon söhbətində çox gərgin olduğunu vurğulayan Aydın Dəmirçi yalnız bunları deyib:
“Açığı, nə deyəcəyimi bilmirəm. Bizi hər kəs yaxşı tanıyır. İndi gərginlikdəyəm. Mən özüm sizinlə əlaqə saxlayacağam”.
Elmar
Gununsesi.info
