မေ -၂၇၊၂၀၂၆။မိုမို/People’s Spring
ညအချိန်တွေမှာ စစ်တပ်စခန်းတွေကို ဒရုန်းအသုံးပြုတိုက်ခိုက်တဲ့ စစ်ဆင်ရေးတွေကို စုန်းမအဖွဲ့က ထုတ်ပြန်ပါတယ်။
ချင်းပြည်နယ်ကို ထိုးစစ်ဆင်လာတဲ့ စစ်တပ်ကို ညပိုင်းအချိန်တွေမှာ ဒရုန်းနဲ့တိုက်ခိုက်တဲ့ စစ်ဆင်ရေးနဲ့ စွမ်းဆောင်ရည်တွေကို သီးသန့်ထုတ်နှုတ်ထားတဲ့ ရုပ်သံမှတ်တမ်းဖြစ်တယ်လို့ သိရပါတယ်။
“ ခံစစ်ကနေ တိုက်စစ်ကို ကူးပြောင်းနေတဲ့ ဒီတော်လှန်ရေးခရီးမှာ နည်းပညာနဲ့ စိတ်ဓာတ်ကို ပေါင်းစပ်ပြီး ရန်သူ့ကို အမြစ်ပြတ်တဲ့အထိ တိုက်ပွဲဝင်သွားမှာပါ” လို့ စုန်းမအဖွဲ့က ပြောပါတယ်။
Public Service Announcement
စုန်းမအဖွဲ့က အမျိုးသမီးရဲဘော်တွေဟာ နိုင်ငံတကာတိုက်ပွဲအတွေ့အကြုံရှိတပ်သားအချို့ပါဝင်တဲ့ ဖက်ဆစ်ဆန့်ကျင်ရေး နိုင်ငံတကာတပ်ဦး AIF Myanmar က ဖွဲ့စည်းထားတာဖြစ်ပါတယ်။
အဖွဲ့ဝင်တွေဟာ အသက် ၂၀ ဝန်းကျင်ကနေ ၄၀ ဝန်းကျင်အထိ ရှိကြပါတယ်။ချင်းတောင်တန်းနဲ့ မြန်မာပြည်အနှံ့က အမျိုးသမီးတွေ ပါဝင်ပါတယ်။
သဘာဝတရားနဲ့ နီးနီးကပ်ကပ်နေထိုင်ပြီး အသိပညာ ဗဟုသုတရှိကြတဲ့ အမျိုးသမီးတွေကို အာဏာနဲ့ ထိန်းချုပ်ဖို့အတွက် နည်းမျိုးစုံနဲ့ ဖိနှိပ်ဖို့ အသုံးပြုခံခဲ့ရတဲ့ စုန်းမ(WITCH) ဆိုတဲ့ စကားလုံးကို ဂုဏ်ယူစွာနဲ့ပြန်လည်အသက်သွင်းထားတာလို့ သိရပါတယ်။
WITCH တပ်ဖွဲ့ဟာ ၂၀၂၅ နွေဦးကတည်းက FPV(အသေခံဒရုန်း) အစီအစဉ်ကို လေ့ကျင့်ခဲ့ကြပြီး အချိန်နဲ့အမျှ နည်းပညာနဲ့ ဗျူဟာတွေတိုးတက်လာခဲ့တယ်လို့ အသိပေးထားပါတယ်။
စစ်ကိုင်းတိုင်းအထက်ပိုင်းက အင်းတော်၊ကသာ နဲ့ ကချင်ပြည်နယ်က ရွှေကူမြို့နယ်တွေမှာလည်း ထိုးစစ်ဆင်လာတဲ့ စစ်တပ်ကို တော်လှန်ရေးတပ်တွေက FPV(အသေခံဒရုန်း)တွေနဲ့ တိုက်ခိုက်မှုတွေ ရှိနေပါတယ်။
https://www.facebook.com/reel/1910712629639469
ရုပ်သံ – စုန်းမအဖွဲ့
