ဧပြီ−၇၊ ၂၀၂၆/People’s Spring
မန္တလေးတိုင်း၊ မိတ္ထီလာမြို့မှာ ဒီကနေ့ ဧပြီ ၇ရက် နေ့လယ်ပိုင်းက မိုးသက်လေပြင်းကျပြီး သစ်ပင်အချို့ ပြိုလဲလို့ အမျိုးသမီးတစ်ဦး ဒဏ်ရာရပြီး မော်တော်ယာဉ်တစ်စီးပျက်စီးခဲ့ကြောင်း ဒေသခံတွေက ပြောပါတယ်။
မိုးသက်လေပြင်းကျပြီး သစ်ပင်တွေပြိုလဲခဲ့ပြီးနောက် တွေ့ရစဥ်။ ဓာတ်ပုံ-ဒေသခံ 
မိုးသက်လေပြင်းကျပြီး သစ်ပင်တွေပြိုလဲခဲ့ပြီးနောက် တွေ့ရစဥ်။ ဓာတ်ပုံ-ဒေသခံ 
မိုးသက်လေပြင်းကျပြီး သစ်ပင်တွေပြိုလဲခဲ့ပြီးနောက် တွေ့ရစဥ်။ ဓာတ်ပုံ-ဒေသခံ 
မိုးသက်လေပြင်းကျပြီး သစ်ပင်တွေပြိုလဲခဲ့ပြီးနောက် တွေ့ရစဥ်။ ဓာတ်ပုံ-ဒေသခံ 
မိုးသက်လေပြင်းကျပြီး သစ်ပင်တွေပြိုလဲခဲ့ပြီးနောက် တွေ့ရစဥ်။ ဓာတ်ပုံ-ဒေသခံ
ဒီကနေ့ ဧပြီ ၇ရက် ညနေ ၃ နာရီဝန်းကျင်က မိတ္ထီလာမြို့မှာ မိုးရောလေပါသည်းထန်ခဲ့ရာ မြို့ပေါ်ရှိ သစ်ပင်တစ်ပင်လုံး အမြစ်မှကျွတ် လဲကျခဲ့ပြီး လမ်းဘေးရပ်ထားတဲ့ Hijetမော်တော်ယာဉ်တစ်စီးပေါ်သို့ ပိမိခဲ့ကြောင်း၊ ကားမှာပျက်စီးသွားခဲ့ပြီး အမျိုးသမီးတစ်ဦးလည်း ထိခိုက်ဒဏ်ရာရရှိခဲ့ကြောင်း ဒေသခံများက ပြောပါတယ်။
“ လေကြမ်းမိုးကြမ်း မိုးသီးတွေပါကျတယ်။ အိမ်တွေလည်း အမိုးတွေလန်တယ်။ လေရော မိုးရော မိုးသီးရော ကြောက်စရာကောင်းတယ်” လို့ ဒေသခံတစ်ဦးက ပြောပါတယ်။
Public Service Announcement
အလားတူ ဝန်ဇင်းရပ်ကွက်၊ ပန်းသပြေလမ်းမှာလည်း ကုက္ကိုပင်လဲကျကာ နေအိမ်တစ်လုံးပေါ်ပိမိခဲ့ကြောင်း ဒေသခံများက ပြောပါတယ်။ ဒါ့အပြင် လျှပ်စစ်ဓာတ်တိုင်တွေလည်း ပြိုလဲပြီး လမ်းတွေပိတ်နေကြောင်း သိရပါတယ်။
လက်ရှိ လူမှုကူညီရေးအသင်းတွေက လဲကျနေတဲ့ သစ်ပင်တွေကို ဖယ်ရှားရှင်းလင်းနေကြောင်း သိရပါတယ်။
