မတ်-၂၁၊၂၀၂၆။ သုည/People’s Spring
စစ်ကိုင်းတိုင်းက သပိတ်အဖွဲ့တွေ၊ ဒေသခံပြည်သူတွေဟာ စစ်အာဏာရှင်ဆန့်ကျင်ရေးသပိတ်နဲ့ တော်လှန်ဖျော်ဖြေပွဲ လူထုလှုပ်ရှားမှုတွေကို ဒီကနေ့ (မတ်လ ၂၁) မှာ ပြုလုပ်ခဲ့ပါတယ်။
ဓာတ်ပုံ – စစ်ကိုင်းဒေသသပိတ်အင်အားစု၊ DYC၊ ဝက်လက်မြို့နယ်လူထုသပိတ် 
ဓာတ်ပုံ – စစ်ကိုင်းဒေသသပိတ်အင်အားစု၊ DYC၊ ဝက်လက်မြို့နယ်လူထုသပိတ် 
ဓာတ်ပုံ – စစ်ကိုင်းဒေသသပိတ်အင်အားစု၊ DYC၊ ဝက်လက်မြို့နယ်လူထုသပိတ် 
ဓာတ်ပုံ – စစ်ကိုင်းဒေသသပိတ်အင်အားစု၊ DYC၊ ဝက်လက်မြို့နယ်လူထုသပိတ် 
ဓာတ်ပုံ – စစ်ကိုင်းဒေသသပိတ်အင်အားစု၊ DYC၊ ဝက်လက်မြို့နယ်လူထုသပိတ်
စစ်ကိုင်းတိုင်း ဝက်လက်မြို့နယ်မှာ သပိတ်ကော်မတီဝင်တွေ ဦးဆောင်ပြီး ပြည်သူလူထုအနေနဲ့ တော်လှန်ရေးမှာ ပါဝင်မှု ပြန်လည်အားကောင်းလာစေဖို့နဲ့ ပြည်သူတွေရဲ့ စိုးရိမ်ထိန့်လန့်မှု ဘ၀အမောတွေကို ခဏတာ ပြေပျောက်စေဖို့ ရည်ရွယ်ကာ တော်လှန်ဖျော်ဖြေရေးအစီအစဉ်တွေနဲ့ စည်းရုံးမှု လုပ်ဆောင်ခဲ့ပါတယ်။
စည်းရုံးရေး လုပ်ငန်းစဉ်မှာ ဝက်လက်မြို့နယ် ပညာရေးဘုတ်အဖွဲ့မှ အဖွဲ့၀င်တွေ၊ ကျေးရွာ ပအဖ၊ပကဖ တာ၀န်ခံတွေ၊ ကျေးရွာပညာရေးတာ၀န်ခံတွေနဲ့ ကျေးရွာပြည်သူလူထုမှ တက်ကြွစွာ ပူးပေါင်းပါ၀င်ခဲ့ကြပါတယ်။
Public Service Announcement
ယင်းမာပင်မြို့နယ်မှာလည်း အောင်လံလွှင််မည် ရွှေရေကြည် လူထုသပိတ်က ဒေသခံပြည်သူတွေနဲ့အတူ စစ်အာဏာရှင်ကို ဆန့်ကျင်ကြောင်း ကြွေးကြော်သံတွေနဲ့ ချီတက်ဆန္ဒပြ သပိတ်မှောက်ခဲ့ကြပါတယ်။
ဒီပဲယင်းမြို့နယ်အတွင်း ကျေးရွာတစ်ရွာမှာလည်း ဒီပဲယင်းလူငယ်အဖွဲ့ -Depeyin Youth Community (DYC) မှ ပြည်သူလူထုကို လေကြောင်းအန္တရာယ်မှကင်းဝေးစေဖို့ ကြိုတင်ကာကွယ်ရေးနဲ့ လေကြောင်းတိုက်ခိုက်မှုအတွင်း ဆောင်ရန်၊ရှောင်ရန်တွေကို သိရှိစေဖို့ အသိပညာပေးဖြန့်ဝေခဲ့ပါတယ်။
စစ်ကိုင်းတိုင်းအတွင်း ဒေသခံတော်လှန်ပြည်သူတွေဟာ နယ်မြေမတည်ငြိမ်တဲ့ကြားထဲကနေပဲ စစ်အာဏာရှင်ဆန့်ကျင်ရေး သပိတ်လှုပ်ရှားမှုတွေကို နေ့စဉ်ပြုလုပ်နေကြပါတယ်။
