မတ်-၁ရက်၊၂၀၂၆။ဇေအောင်/People’s Spring
စစ်ကိုင်းမြို့၊ ကောင်းမှုတော်ဘုရား စိန်ဖူးတော် တင်ပွဲ စစ်ကောင်စီအဖွဲ့လာလို့ မုံရွာ-မန္တလေးလမ်းပိုင်းပိတ်ထားပြီး ခရီးသွားယာဥ်တွေ စောင့်ဆိုင်းနေရပါတယ်။
ဒီကနေ့ မတ်လ ၁ရက်မနက်ပိုင်းက မုံရွာ-မန္တလေးလမ်းဘေးမှာရှိတဲ့ စစ်ကိုင်းမြို့၊ ကောင်းမှုတော်ဘုရားမှာ ကျင်းပနေတဲ့ စိန်ဖူးတော်တင်ပွဲကို အာဏာသိမ်းစစ်ကောင်စီအဖွဲ့လာလို့ဆိုပြီး လုံခြုံရေးအတွက်ဟုဆိုကာ ကျောက်ဆည်ကျေးရွာကနေစပြီး လမ်းပိတ်ထားကြောင်း ဒေသခံတွေက ပြောပါတယ်။
“ မုံရွာ-မန္တလေး သွားကြမယ့်ကားတွေအားလုံးစစ်ကိုင်း၊ ကျောက်ဆည်ရွာကစပြီး လမ်းကြောဖြတ်သန်းသွားလာလို့မရသေးပါဘူး။ ကားတွေအကုန်လုံး စိန်ဖူးတော်တင်လှူပွဲပြီးမှသာ လမ်းကြောအသုံးပြုလို့ရမယ်လို့ပြောတယ်” လို့ ဒေသခံတစ်ဦးက ပြောပါတယ်။
Public Service Announcement
ကောင်းမှုတော်ဘုရားထီးတင်ပွဲကို စစ်ကောင်စီအဖွဲ့က ဘယ်အဆင့်လာရောက်တယ်ဆိုတာ လူထုနွေဦးက စုံစမ်းနေဆဲဖြစ်ပါတယ်။
ဖေဖော်ဝါရီ ၂၇ရက်လည်း ကောင်းမှုတော်ဘုရားစိန်ဖူးတော်ပွဲ လုံခြုံရေးအတွက် ဘုရားနဲ့မနီးမဝေးက ကျေးရွာတွေနဲ့ မုံရွာ-မန္တလေးကားလမ်းဘေးတလျှောက် ကျေးရွာတွေကို စစ်တပ်က စစ်ကြောင်းထိုးပြီး နယ်မြေရှင်းလင်းရေးဝင်ခဲ့ပါသေးတယ်။
မုံရွာ-မန္တလေးလမ်းမှာ စစ်ကောင်စီယာဥ်တွေ ဖြတ်သန်းချိန်မှာလည်း တိုက်ပွဲတွေဖြစ်ပွားလေ့ရှိပြီး ခရီးသည်တွေဟာ နာရီပေါင်းများစွာ ရပ်တန့်စောင့်ဆိုင်းရလေ့ရှိပါတယ်။
